Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

నాడు సీబీఐ వద్దన్నారు.. ఇప్పుడెందుకు మాట మార్చారు..?: బాబుపై బొత్స ఫైర్

Botsa Strong Counter To Chandrababu Naidu, నాడు సీబీఐ వద్దన్నారు.. ఇప్పుడెందుకు మాట మార్చారు..?: బాబుపై బొత్స ఫైర్

టీడీపీ అధినేత చంద్రబాబు పై మంత్రి బొత్స సత్యనారాయణ మరోసారి ఫైర్ అయ్యారు. ఏపీ మాజీ స్పీకర్ కోడెల ఆత్మహత్యకు వైసీపీ ప్రభుత్వమే కారణమంటూ చంద్రబాబు చేసిన వ్యాఖ్యలకు.. ఆయన స్ట్రాంగ్ కౌంటర్ ఇచ్చారు. కోడెల మృతిపై సీబీఐ విచారణ జరిపించాలంటూ చంద్రబాబు గవర్నర్‌ను కోరారని.. కాని, ఒకప్పుడు రాష్ట్రంలోకి సీబీఐ రావద్దన్న చంద్రబాబు.. ఇప్పుడెందుకు సీబీఐ విచారణకు డిమాండ్ చేస్తున్నారని బొత్స ప్రశ్నించారు. కోడెల చనిపోయారన్న సానుభూతి లేకుండా.. ఆయన చావును అడ్డుపెట్టుకుని రాజకీయ లబ్ధిపొందాలని ప్రయత్నిస్తున్నారని బొత్స ఆరోపించారు. పనికిమాలిన వ్యవస్థ అని వైసీపీ ప్రభుత్వం పై ఆరోపణలు చేస్తూ.. గవర్నర్‌కు ఫిర్యాదు చేసేందుకు టీడీపీ నేతల బృందం ఎందుకు వెళ్లిందని ఆయన మండిపడ్డారు. ఈ మధ్య కాలంలో చంద్రబాబు, కోడెలను ఎన్నిసార్లు కలిశారు..? అసలు కోడెల బీజేపీలో ఎందుకు చేరాలనుకున్నారని ఇందుకు టీడీపీ నేతలే సమాధానం చెప్పాలని బొత్స డిమాండ్ చేశారు. గత ఐదేళ్లలో చంద్రబాబు వ్యవస్థలను నాశనం చేశారని ఆయన దుయ్యబట్టారు. కోడెల కుటుంబం పై వైసీపీ ప్రభుత్వానికి సానుభూతి ఉందని బొత్స చెప్పుకొచ్చారు.