Rashi Phalalu: వారికి ఆర్థిక సమస్యల నుంచి ఊరట.. 12 రాశుల వారికి రాశిఫలాలు
Horoscope Today (November 6, 2025): మేష రాశి వారు పట్టుదలగా పనులన్నీ పూర్తి చేస్తారు. ఆదాయానికి లోటుండదు. వృషభ రాశి వారి కుటుంబ జీవితం సాఫీగా సాగిపోతుంది. నిరుద్యోగులు శుభవార్త వింటారు. మిథున రాశి వారికి వ్యక్తిగత సమస్య ఒకటి పరిష్కారం అవుతుంది. కుటుంబ వ్యవహారాలు సాఫీగా సాగిపోతాయి. మేష రాశి మొదలు మీన రాశి వరకు 12 రాశుల వారికి గురువారంనాటి రాశిఫలాలు ఎలా ఉన్నాయంటే..?
దిన ఫలాలు (నవంబర్ 6, 2025): మేషం (అశ్విని, భరణి, కృత్తిక 1): రోజంతాఆ హ్యాపీగా, సాఫీగా గడిచిపోతుంది. అనుకున్న పనులు అనుకున్నట్టు జరిగిపోతాయి. ఉద్యోగ జీవితంలో ప్రాధాన్యం పెరుగుతుంది. వృత్తిపరంగా రాబడి పెరిగే అవకాశం ఉంది. వ్యాపారాల్లో ఆశించిన లాభాలు గడిస్తారు. ముఖ్యమైన వ్యవహారాల్లో జీవిత భాగస్వామిని కలుపుకుని వెళ్లడం మంచిది. పట్టుదలగా పనులన్నీ పూర్తి చేస్తారు. ఆదాయానికి లోటుండదు. ఆరోగ్యం మీద శ్రద్ధపెట్టండి. విద్యార్థులు తేలికగా ఫలితాలు సాధిస్తారు. ప్రేమ వ్యవహారాలు సంతృప్తి కలిగిస్తాయి.
వృషభం (కృత్తిక 2,3,4, రోహిణి, మృగశిర 1,2): ఇంటా బయటా బాగా ఒత్తిడి ఉంటుంది. కొద్ది శ్రమతో ముఖ్యమైన వ్యవహారాలు, పనులను పూర్తి చేస్తారు. ఆదాయం బాగానే ఉంటుంది కానీ, కుటుంబ ఖర్చులు పెరుగుతాయి. వృత్తి, ఉద్యోగాల్లో ఆలోచించి నిర్ణయాలు తీసుకోవడం మంచిది. ఆస్తి వివాదం విషయంలో తోబుట్టువులతో రాజీ మార్గం అనుసరిస్తారు. కుటుంబ జీవితం సాఫీగా సాగిపోతుంది. నిరుద్యోగులు శుభవార్త వింటారు. ఆరోగ్యం నిలకడగా ఉంటుంది. విద్యార్థులకు శ్రమ తప్పదు. ప్రేమ వ్యవహారాలు సాఫీగా సాగిపోతాయి.
మిథునం (మృగశిర 3,4, ఆర్ద్ర, పునర్వసు 1,2,3): గ్రహ బలం చాలావరకు అనుకూలంగా ఉంది. రోజంతా సాఫీగా, సానుకూలంగా సాగిపోతుంది. వృత్తి, ఉద్యోగాల్లో అధికారుల ఆదరాభిమానాలను చూరగొంటారు. వ్యక్తిగత సమస్య ఒకటి పరిష్కారం అవుతుంది. కుటుంబ వ్యవహారాలు సాఫీగా సాగిపోతాయి. వ్యాపారాలు లాభసాటిగా పురోగతి చెందుతాయి. ఆర్థిక ప్రయత్నాలు కలిసి వస్తాయి. ప్రయాణాలు లాభిస్తాయి. ఆరోగ్యం బాగానే ఉంటుంది. విద్యార్థులు ఘన విజయాలు సాధిస్తారు. ప్రేమ వ్యవహారాలు కొత్త పుంతలు తొక్కు తాయి.
కర్కాటకం (పునర్వసు 4, పుష్యమి, ఆశ్లేష): ఆర్థిక పరిస్థితి బాగా అనుకూలంగా ఉంటుంది. అనేక మార్గాల్లో ఆర్థిక పురోగతి లభిస్తుంది. ఆస్తి వివాదం ఒకటి అనుకోకుండా పరిష్కారం అవుతుంది. రావలసిన డబ్బు చేతికి అంది అవసరాలు తీరుతాయి. వృత్తి, ఉద్యోగాలు ప్రశాంతంగా సాగిపోతాయి. వ్యాపారాల్లో కొద్దిగా లాభాలు గడిస్తారు. మిత్రుల సహాయంతో పనులన్నీ పూర్తవుతాయి. పిల్లల నుంచి శుభ వార్తలు వింటారు. ఆరోగ్యం బాగానే ఉంటుంది. విద్యార్థులకు శ్రమ తప్పదు. ప్రేమ వ్యవహారాల్లో అనుకూలతలు పెరుగుతాయి.
సింహం (మఖ, పుబ్బ, ఉత్తర 1): ఎదురు చూస్తున్న శుభవార్తలు వింటారు. శుభ పరిణామాలు చోటు చేసుకుంటాయి. అనుకున్న పనులు అనుకున్నట్టు పూర్తవుతాయి. నిరుద్యోగులకు ఆశించిన సమాచారం అందుతుంది. బంధువుల్లో పెళ్లి సంబంధం కుదురుతుంది. ఆర్థిక పరిస్థితి మరింతగా మెరుగుపడుతుంది. ఇతరులకు మేలు జరిగే పనులు చేస్తారు. బంధువులతో మాట పట్టింపులు వస్తాయి. ఆరోగ్యం నిలకడగా ఉంటుంది. విద్యార్థులు దూసుకుపోతారు. ప్రేమ వ్యవహారాలు ఉత్సాహంగా సాగిపోతాయి.
కన్య (ఉత్తర 2,3,4, హస్త, చిత్త 1,2): ఏ ప్రయత్నం తలపెట్టినా సఫలం అవుతుంది. అనుకోకుండా కుటుంబ సమస్య ఒకటి పరిష్కారం అవుతుంది. వృత్తి, ఉద్యోగాల్లో పని ఒత్తిడి బాగా తగ్గే అవకాశం ఉంది. పెళ్లి ప్రయత్నాల్లో బంధువుల ద్వారా శుభవార్త వింటారు. ఆర్థిక విషయాల్లో కుటుంబ సభ్యులతో సంప్రదించి నిర్ణయాలు తీసుకోవడం మంచిది. వ్యాపారాల్లో కొద్దిగా లాభాలు పెరిగే సూచనలున్నాయి. ఆరోగ్యం బాగానే ఉంటుంది. విద్యార్థుల నుంచి శుభవార్తలు వింటారు. ప్రేమ వ్యవహారాలు నిలకడగా సాగిపోతాయి.
తుల (చిత్త 3,4, స్వాతి, విశాఖ 1,2,3): వృత్తి, ఉద్యోగాల్లో ప్రాధాన్యం, ప్రాభవం పెరుగుతాయి. వ్యాపారాలు లాభసాటిగా పురోగమిస్తాయి. ఆస్తి, ఆర్థిక వ్యవహారాల్లో జీవిత భాగస్వామితో కలిసి నిర్ణయాలు తీసుకోవడం మంచిది. ప్రయాణాలు లాభిస్తాయి. తోబుట్టువులతో ఆస్తి వివాదాన్ని పరిష్కరించుకుంటారు. ఉద్యోగ, పెళ్లి ప్రయత్నాల్లో శుభవార్తలు వింటారు. కొందరు మిత్రులు పక్కదోవ పట్టించే అవకాశం ఉంది. ఆరోగ్యం బాగానే ఉంటుంది. విద్యార్థులు ఉత్తమ ఫలితాలు సాధిస్తారు. ప్రేమ వ్యవహారాలు హ్యాపీగా సాగిపోతాయి.
వృశ్చికం (విశాఖ 4, అనూరాధ, జ్యేష్ట): కుటుంబంలో శుభ పరిణామాలు చోటు చేసుకుంటాయి. ఆశించిన శుభవార్తలు వింటారు. ఆర్థిక వ్యవహారాల్లో కొద్దిగా చికాకులుంటాయి. వృత్తి జీవితం సాఫీగా, సంతృప్తికరంగా సాగిపోతుంది. ఉద్యోగంలో ఆశించిన ప్రోత్సాహం, ఆదరణ లభిస్తాయి. వ్యాపారాలు నిలకడగా ముందుకు సాగుతాయి. నిరుద్యోగులకు ఆశించిన ఆఫర్ అందుతుంది. మాట తొందరవల్ల కుటుంబంలో వాగ్వాదాలకు అవకాశం ఉంది. విద్యార్థులు కష్టపడాల్సి ఉంటుంది. ప్రేమ వ్యవహారాలు సాఫీగాసాగుతాయి.
ధనుస్సు (మూల, పూర్వాషాఢ, ఉత్తరాషాఢ 1): వృత్తి, ఉద్యోగ, వ్యాపారాల్లోనే కాక, ఆర్థికంగా కూడా బాగా కలిసి వచ్చే అవకాశం ఉంది. కొద్ది శ్రమతో మీ ప్రయత్నాలన్నీ విజయవంతం అవుతాయి. ఆర్థిక పరిస్థితి బాగా మెరుగుపడుతుంది. బంధుమిత్రులకు ఆర్థికంగా సహాయం చేస్తారు. శుభకార్యంలో పాల్గొంటారు. శుభవార్తలువింటారు. వ్యక్తిగత, కుటుంబ సమస్యలకు పరిష్కారం దొరుకుతుంది. ఆరోగ్యం పరవాలేదు. ప్రయాణాలు లాభిస్తాయి. విద్యార్థులు విజయాలు సాధిస్తారు. ప్రేమ వ్యవహారాలు హ్యాపీగా సాగిపోతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఆదాయం బాగానే ఉంటుంది కానీ, కుటుంబ సభ్యుల మీద ఖర్చులు పెరుగుతాయి. డాక్టర్లు, లాయర్ల వంటి వృత్తులవారికి తీరిక లేని పరిస్థితి ఏర్పడుతుంది. వ్యాపారాలు లాభదాయకంగా కొనసాగుతాయి. ఉద్యోగంలో సానుకూల మార్పులు చోటు చేసుకుంటాయి. వ్యయ ప్రయాసలతో ముఖ్యమైన వ్యవహారాలను పూర్తి చేస్తారు. మిత్రుల నుంచి ఆర్థికంగా ఒత్తిడి ఉంటుంది. ఆరోగ్యం బాగానే ఉంటుంది. విద్యార్థులు శ్రద్ధ పెంచాల్సి ఉంటుంది. ప్రేమ వ్యవహారాలు సాఫీగా సాగిపోతాయి.
కుంభం (ధనిష్ట 3,4, శతభిషం, పూర్వాభాద్ర 1,2,3): ఉద్యోగంలో అధికారులకు సహాయ సహకారాలు అందిస్తారు. వృత్తి నిపుణులకు కలిసి వచ్చే సమయం ఇది. వ్యాపారాలు ఆశాజనకంగా ముందుకు సాగుతాయి. ఆర్థిక నష్టాల నుంచి, ఆర్థిక సమస్యల నుంచి కొద్దిగా బయటపడే అవకాశం ఉంది. ఆరోగ్యం పరవాలేదనిపిస్తుంది. విదేశాల్లో ఉన్న పిల్లల నుంచి శుభవార్తలు వింటారు. రాదనుకున్న డబ్బు చేతికి అందుతుంది. విద్యార్థులు చదువుల్లోనూ, పరీక్షల్లోనూ దూసుకుపోతారు. ప్రేమ వ్యవహారాల్లో ఉత్సాహం పెరుగుతుంది.
మీనం (పూర్వాభాద్ర 4, ఉత్తరాభాద్ర, రేవతి): వృత్తి, ఉద్యోగాల్లో కొద్దిగా ఒత్తిడి ఉండే అవకాశం ఉంది. అధికారుల నుంచి ఆదరాభిమానాలు లభిస్తాయి. వ్యాపారాల్లో కొద్దిపాటి లాభాలకు అవకాశం ఉంది. వ్యక్తిగత సమస్య ఒకటి పరిష్కారం అవుతుంది. ఒకటి రెండు కోరికలు నెరవేరుతాయి. బంధువుల నుంచి శుభవార్తలు వింటారు. ఆర్థిక ప్రయత్నాలు ఒక కొలిక్కి వస్తాయి. ప్రయాణాలు లాభిస్తాయి. పెళ్లి, ఉద్యోగ ప్రయత్నాలు సానుకూలపడతాయి. విద్యార్థులు శ్రమపడాల్సి ఉంటుంది. ప్రేమ వ్యవహారాలు అసంతృప్తిని కలిగిస్తాయి.