Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

సీనియర్ ఓవైసీకి సీరియస్ సమస్య

asaduddin love story trending, సీనియర్ ఓవైసీకి సీరియస్ సమస్య

స్థానికాంశాలతోపాటు జాతీయ, అంతర్జాతీయాంశాలపై ఏ వేదిక మీదనైనా అనర్గళంగా మాట్లాడే ఎంఐఎం అధినేత, హైదరాబాద్ ఎంపీ అసదుద్దీన్ ఓవైసీకి పెద్ద కష్టమొచ్చి పడింది. అసదుద్దీన్ ఓ జాతీయ మీడియా ప్రతినిధితో ప్రేమలో వున్నాడంటూ సోషల్ మీడియాలో విపరీతంగా ప్రచారం జరుగుతోంది. దాంతో ఆయన, ఆయన పార్టీ నేతలు భగ్గుమంటున్నారు. సీరియస్ పొలిటీషియన్‌పై ఇంత నీచంగా ప్రచారం ఏంటని సాక్షాత్తు సీనియర్ ఓవైసీ మండిపడ్డారు.

ఆయన అసదుద్దీన్‌ ఒవైసీ.. మజ్లిస్‌పార్టీ అధినేత. దేశమంతా తెలిసిన వ్యక్తి. నిరంతరం వార్తల్లో కనిపిస్తారు. తాజా పరిణామాల మీద తన పార్టీ వాయిస్‌ వినిపిస్తారు. జాతీయ అంతర్జాతీయ చానెళ్లకు ఇంటర్‌వ్యూలిస్తారు. ట్విట్టర్‌లో యాక్టివ్‌గా ఉంటారు.

రాజకీయనాయకులన్న తర్వాత మీడియాతో మాట్లాడటం, ఇంటర్వ్యూలివ్వటం సర్వసాధారణం. చానెళ్లు లేదా పత్రికలు, ఒక్కో పార్టీ బీట్‌ను ఒక్కొక్కరికి కేటాయిస్తాయి. దీంతో విధి నిర్వహణలో భాగంగా ఒకే రిపోర్టర్‌ లేదా ఒకే యాంకర్‌ ఒక్కోనాయకుడిని పలుమార్లు ఇంటర్వ్యూలు చేయడం, అభిప్రాయాలు తీసుకోవటం మామూలే !

ఒక జాతీయ చానెల్‌ యాంకర్‌ కూడా అసదుద్దీన్‌ను పలుమార్లు ఇంటర్వ్యూ చేశారు. ఆ క్లిప్పింగులన్నీ తీసుకుని వారిద్దరి మధ్య ప్రేమాయణం నడుస్తున్నట్టుగా సోషల్‌మీడియాలో ప్రచారం చేస్తున్నారు. వాయిస్‌ మార్ఫింగ్‌ చేసి సోషల్‌ మీడియాలో అప్‌లోడ్‌ చేస్తూ, తమ మానసిక వికారాలను బయట పెట్టుకుంటున్నారు. ప్రజాజీవితంలో ఉన్న వ్యక్తికి సంబంధించినవి కావటంతో వీరిద్దరిపై టిక్ టాక్‌లో చేసిన వీడియోలు జాతీయస్థాయిలో దుమారం రేపుతున్నాయి. సోషల్‌ మీడియాలో నడుస్తున్న ఈ నీచమైన ట్రెండ్‌పై మజ్లిస్‌ నేతలు సీరియస్‌ అవుతున్నారు.

సోషల్‌ మీడియాలో తనపై జరుగుతున్న దుష్ప్రచారంపై మజ్లిస్‌ అధినేత అసదుద్దీన్‌ ఒవైసీ మండిపడ్డారు. అందరికీ అక్క చెల్లెళ్లు ఉన్నారనీ, ఏ మహిళ గురించి కూడా ఇలా తప్పుగా రాయకూడదన్నారు. తన రాజకీయాల మీద, ప్రసంగాల మీద ఏమైనా రాసుకోవచ్చనీ, మహిళలను కించపరచటం మంచి పద్ధతి కాదని హితవు చెప్పారు. ఇటువంటి నీచ సంస్కృతిని సహించొద్దన్నారు.

వాళ్లూ వీళ్లూ అని లేదు, సామాన్యుల దగ్గర్నుంచి సెలబ్రిటీలవరకూ సోషల్‌ మీడియా బాధితులు రోజురోజుకీ పెరుగుతున్నారు. సైబర్‌ క్రైమ్‌ పోలీసుస్టేషన్‌కి వచ్చే ఫిర్యాదుల్లో 70శాతం విద్యార్థినులను, యువతులను వేధిస్తున్నవేనని పోలీసు అధికారులు చెబుతున్నారు. బాధితులు తమకు చూపిస్తున్న ఫోటోల్లో కొన్ని మార్ఫింగ్‌ చేసినవి ఉన్నప్పటికీ , 20 శాతం వరకూ నిజమైనవి ఉంటాయంటున్నారు.

Related Tags