Vizag Municipal Results: మున్సిపల్‌ ఎన్నికల్లో వైసీపీ సత్తా.. విశాఖ కార్పొరేషన్‌పై వైసీపీ పార్టీ జెండా

AP Municipal Elections results: ఆంధ్రప్రదేశ్‌ రాష్ట్రంలో మున్సిపాలిటీల ఎన్నికల కౌంటింగ్‌ కొనసాగుతోంది. రాష్ట్రంలో జరిగిన మున్సిపల్‌ ఎన్నికల్లో వైఎస్సార్‌సీపీ సరికొత్త రికార్డ్‌ సృష్టిస్తోంది. కార్పొరేషన్లు, మున్సిపాలిటీల్లో..

Updated on: Mar 14, 2021 | 5:57 PM

Visakhapatnam Municipal Election results: ఆంధ్రప్రదేశ్‌ రాష్ట్రంలో మున్సిపాలిటీల ఎన్నికల కౌంటింగ్‌ కొనసాగుతోంది. రాష్ట్రంలో జరిగిన మున్సిపల్‌ ఎన్నికల్లో వైఎస్సార్‌సీపీ సరికొత్త రికార్డ్‌ సృష్టిస్తోంది. కార్పొరేషన్లు, మున్సిపాలిటీల్లో క్లీన్‌స్వీప్‌ దిశగా వైసీపీ అభ్యర్థులు దూసుకుపోతున్నారు. అన్ని జిల్లాల్లోనూ వైసీపీ సత్తా చాటుతోంది. ఫ్యాన్‌ దూకుడుకు టీడీపీ, బీజేపీ, జనసేన పత్తా లేకుండా పోతున్నాయి. ఎటు చూసినా వైసీపీ అధిపత్యం కొనసాగిస్తోంది. ఇక విశాఖ మున్సిపాలిటీ ఎన్నికల ఫలితాల్లో అధికార పార్టీ వైఎస్సార్‌ కాంగ్రెస్‌ పార్టీ ఆధిపత్యం కనబర్చింది.

రాష్ట్రంలోని అత్యధిక మున్సిపాలిటీలు, కార్పొరేషన్లలో ఫ్యాన్‌ దూకుడు కనసాగగా, తాజాగా గ్రేటర్‌ విశాఖ మున్సిపల్‌ కార్పొరేషన్‌ (జీవీఎంసీ)ను కూడా వైసీపీ కైవసం చేసుకుంది. మొత్తం 98 స్థానాల్లో 58 చోట్ల గెలుపొంది గ్రేటర్‌ పీఠంపై పార్టీ జెండా ఎగురవేసింది. 30 చోట్ల టీడీపీ, 3 చోట్ల జనసేన పార్టీ అభ్యర్థులు గెలుపొందారు. అలాగే బీజేపీ, సీపీఐ, సీపీఎం ఒక్కో స్థానంలో విజయం సాధించాయి. ఇక ఇతరులు నాలుగు చోట్ల విజయం సాధించారు.