మామిడి తోటకు నీళ్లు పెట్టేందుకు వెళ్లిన రైతు.. ఓ చెట్టు కింద గడ్డిలో..
మామిడి తోటలో డ్రిప్ పైపులు చూడటానికి వెళ్లినప్పుడు అనుకోకుండా నాలుగు నెమలి గుడ్లు కనిపించాయి. మన జాతీయ పక్షి నెమలి గుడ్లు సహజసిద్ధంగా మామిడి చెట్టు కింద కనిపించడం అరుదైన ఘటన. ఇవి కోడి గుడ్ల కన్నా పెద్దవి. ఇలా మీ పొలాల్లో పరిసర ప్రాంతాల్లో కనిపించినప్పుడు వాటిని తాకకుండా వదిలేయడం వల్ల పిల్లలు పొదిగి బయటకు వస్తాయి.
ఓ రైతు మామిడి తోటలో డ్రిప్ పైపుల పరిశీలనకు వెళ్లినప్పుడు అనుకోని విధంగా ఒక అద్భుత దృశ్యం కనిపించింది. దేశానికి జాతీయ పక్షి అయిన నెమలి గుడ్లు సహజసిద్ధంగా ఓ మామిడి చెట్టు కింద దర్శనమిచ్చాయి. నెమలిని పెంచడం చట్టరీత్యా నేరం అని అందరికీ తెలుసు. అందువల్ల, ప్రకృతిలో సహజంగానే వీటిని చూడగలం. ఈ మామిడి తోటలో డ్రిప్ పైపుల వద్ద నాలుగు నెమలి గుడ్లు గుర్తించారు. వాటిని చూడగానే నెమలి అక్కడి నుండి ఎగిరిపోయింది. ఈ గుడ్లు సాధారణ కోడి గుడ్ల కన్నా పెద్దవిగా, బాతు గుడ్ల పరిమాణంలో ఉన్నాయని గుర్తించారు. ఈ గుడ్లను తాకకుండా వదిలివేయడం చాలా ముఖ్యం. సుమారు 20 నుంచి 30 రోజుల తర్వాత, ఈ గుడ్ల నుంచి నెమలి పిల్లలు బయటకు వస్తాయని, అప్పుడు తల్లి నెమలి వాటిని సురక్షితంగా తీసుకెళ్తుందని తెలుస్తుంది. ఇలాంటి అరుదైన సహజసిద్ధమైన నెమలి గుడ్ల దర్శనం ఒక ప్రత్యేకమైన అనుభూతిని పంచింది.
మనం సాధారణంగా చూసేది మగ నెమలి. రెక్కలు విప్పి నాట్యం చేయడం దాని ప్రత్యేకత. ఆడ నెమలి రంగులో కొద్దిగా సాధారణంగా కనిపిస్తుంది. వర్షాకాలం రాకముందు నెమళ్లు ఎక్కువగా కూతలు వేస్తూ, రెక్కలు విప్పి నాట్యం చేస్తాయి. అందుకే గ్రామాల్లో నెమలి అరుస్తే వర్షం వస్తుందనే నమ్మకం ఉంది. నెమలి ఈకలు సహజంగా ఎంతో అందంగా మెరుస్తాయి. కాంతి పడే కోణం మారితే రంగులు కూడా మారినట్లు కనిపిస్తాయి. నెమళ్లు ప్రమాదం అనిపిస్తే వెంటనే చెట్లపైకి ఎగిరిపోతాయి. రాత్రివేళ ఎక్కువగా చెట్లపైనే గడుపుతాయి. ఒక నెమలి సాధారణంగా నాలుగు నుంచి ఎనిమిది గుడ్లు పెడుతుంది. దాదాపు నెలరోజులకు పిల్లలు బయటకు వస్తాయి. చిన్న పాములు, పురుగులు, గింజలు తింటూ ప్రకృతిలో సమతుల్యతను కాపాడడంలో నెమళ్లు కూడా పాత్ర పోషిస్తాయి. వన్యప్రాణి సంరక్షణ చట్టం, 1972 ప్రకారం నెమళ్లను హాని చేయడం, గుడ్లు తీసుకోవడం లేదా పట్టుకోవడం నేరం. 1963లో భారత ప్రభుత్వం నెమలిని దేశ జాతీయ పక్షిగా ప్రకటించింది.
ఏపీలోని ఈ ప్రాంతాల్లో పిడుగులతో వర్షాలు.. వెదర్ రిపోర్ట్ చూడండి..