Konaseema: ఓర్నీ.. వాటర్‌ బాటిల్‌తో చేపలు ఇలా పట్టొచ్చా.. కోనసీమ కుర్రాళ్లా.. మజాకా

సాధారణంగా చేపటలు పట్టాలంటే చెరువులో గాలం వేస్తారు..లేదా వల వేస్తారు. కానీ వాటర్‌ బాటిల్‌లో చేపలు పట్టడం ఎప్పుడైనా చూశారా? ఇలాంటి ప్రయోగాలు చేయడంలో భారతీయులను మించిన వారుండరు. చదువుతో పనిలేకుండా అద్భుతమైన ప్రతిభను చాటే ఎందరో మట్టిలో మాణిక్యాలు భారతదేశం సొంతం. సోషల్‌ మీడియా పుణ్యమా అని అలాంటి ఆణిముత్యాలు ఇటీవల వెలుగులోకి వస్తూ తమ సత్తా చాటుతున్నారు. ఇక ఇలాంటి ఐడియాలు వెయ్యాలంటే కోనసీమ కుర్రాళ్ల తర్వాతే ఎవరైనా..తాజాగా ఈ కోనసీమ కుర్రాళ్లు చేపలను ఎంతో ఈజీగా పట్టేసే టెక్నిక్‌ కనిపెట్టారు. వలవేయకుండానే పెద్ద పెద్ద చేపలను టక టకాపట్టేస్తున్న వీరిని చూసి నెటిజన్లు ఆశ్చర్యపోతున్నారు. కోనసీమ కుర్రాళ్లా మజాకా అంటున్నారు!

అంబేద్కర్‌ కోనసీమ జిల్లా ముమ్మిడివరం యువకులు చేపలు పట్టడంలో నూతన వరవడికి శ్రీకారం చుట్టారు. వలతో పనిలేకుండా ఎంతో సులువుగా చేపలు పట్టేస్తూ చకచకా అమ్మేస్తూ వ్యాపారం సాగిస్తున్నారు. వల లేకుండా చేపలు ఎలా పడుతున్నారనుకుంటున్నారు కదా.. ఇదిగో ఇలా.. ఓ రెండు లీటర్ల వాటర్ బాటిల్ కు తాడు కట్టి బాటిల్ లో మైదా పిండి పెట్టి గోదావరి లో కి బాటిల్ ను విసురుతున్నారు. అంతే ఆహారం కోసం వచ్చిన చేపలు ఆ బాటిల్‌లోకి వెళ్ళగానే చకచకా బయటకు లాగేస్తున్నారు. ఏకంగా కిలో, రెండు కిలోల బరువుండే చేపలు బాటిల్‌కి చిక్కుతున్నాయి. దీంతో యువకుల ఆనందాన్నికి అవధులు లేకుండా పోయాయి. ఇలా లైవ్ లో వచ్చిన చేపలను కొనడానికి యానాం పరిసర ప్రాంతాల్లో ఉన్న మాంస ప్రియులు క్యూకడుతున్నారు. యువకులు చేపలు పట్టే విధానం చూసి ఫిదా అయిపోతున్నారు. ఇక ఒక్కొక్క చేప 500 నుంచి 600 వందలకు విక్రయిస్తూ యువకులు డబ్బులు సంపాదిస్తున్నారు. వాటర్‌ బాటిల్‌తో చేపలు పట్టడం స్ధానికంగా చర్చనీయాంశంగా మారింది. ఈ చేపల వేటను వీక్షించేందుకు గోదావరి వద్దకు స్థానికులు, చేపల కొనగోలుదారులు, సందర్శకులు పెద్దసంఖ్యలో తరలి వస్తున్నారు. దీంతో గోదారిగడ్డు సందర్శకులతో కిక్కిరిసిపోయింది. ఇన్నాళ్లూ వలలతోనానా తంటాలు పడ్డాం కదరా.. అంటూ కొందరు మత్స్యకారులు సైతం ఆశ్చర్యపోయారు. యువకుల తెలివికి ప్రశంసించారు.

వీడియో దిగువన చూడండి… 

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..