AP weather report: ఏపీలో రాబోయే 3 రోజులు వాతావరణం ఇలా ఉంటుంది… ఆ ప్రాంతాలలో వర్షాలు

Ap Weather

నిన్నటి అల్పపీడనం తీవ్రంగా బలపడి వాయువ్య, పశ్చిమ, మధ్య బంగాళాఖాతం ప్రాంతాల్లో కొనసాగుతుందని అమరావతి వాతావరణ కేంద్రం వెల్లడించింది. అల్పపీడనానికి అనుబంధంగా ఉన్న ఆవర్తనం సగటు సముద్ర మట్టానికి 7.6 కి.మీ. ఎత్తు వరకు కొనసాగుతూ ఎత్తుకి వెళ్ళే కొద్దీ దక్షిణ దిశ వైపునకు వంపు తిరిగి ఉందని తెలిపింది. ఈ అల్పపీడనం పశ్చిమ – వాయువ్య దిశగా ప్రయాణిస్తూ రానున్న 12 గంటల్లో మరింత బలపడి ఉత్తర ఒడిశా-పశ్చిమ బెంగాల్ తీరం దగ్గర అల్పపీడనంగా కేంద్రీకృతమయ్యే అవకాశం ఉన్నట్లు పేర్కొంది.  తరువాత 2,3 రోజుల్లో ఉత్తర ఒడిశా, ఉత్తర ఛత్తీస్గఢ్ మీదుగా పశ్చిమ వాయువ్య దిశగా కదిలే అవకాశం ఉంది.

వీటి ప్రభావం వలన ఆంధ్రప్రదేశ్ రాష్ట్రంలో రాగల మూడు రోజుల వరకు వాతావరణ సూచన :

ఉత్తర కోస్తా ఆంధ్ర మరియు యానాం :
—————————————————
ఈరోజు, ఉత్తర కోస్తా ఆంధ్రాలో ఉరుములు మెరుపులతో కూడిన తేలికపాటి నుంచి ఒక మోస్తరు వర్షాలు కొన్ని చోట్ల కురిసే అవకాశం ఉంది. భారీ నుంచి అతి భారీ వర్షాలు 1 లేక 2 చోట్ల కురిసే అవకాశం ఉంది. పశ్చిమ బంగాళాఖాతము మరియు దానిని ఆనుకుని ఉన్న మధ్య బంగాళాఖాతం అనగా ఉత్తర కోస్తాఆంధ్ర తీరము వెంబడి పెను గాలులు 45 నుంచి 55 కి.మీవే గంతో గరిష్టముగా 65 కిలోమీటర్ల వేగంతో వీచే అవకాశము ఉంటుంది. రేపు ఉరుములు మెరుపులతో కూడిన తేలికపాటి నుంచి ఒక మోస్తరు వర్షాలు కొన్ని చోట్ల కురిసే అవకాశం ఉంది. భారీ వర్షాలు 1 లేక 2 చోట్ల కురిసే అవకాశం ఉంది. పశ్చిమ బంగాళాఖాతము మరియు దానిని ఆనుకుని ఉన్న మధ్య బంగాళాఖాతంఅనగా ఉత్తర కోస్తాఆంధ్ర తీరం తీరము వెంబడి పెను గాలులు 45 నుంచి 55 కి.మీవేగంతో గరిష్టముగా 65 కిలోమీటర్ల వేగంతో గాలులు వీచే అవకాశము ఉంటుందిఎల్లుండి ఉత్తర కోస్తా ఆంధ్రాలో తేలికపాటి నుంచి ఒక మోస్తరు జల్లులు కొన్ని చోట్ల కురిసే అవకాశం ఉంది. పశ్చిమ బంగాళాఖాతము మరియు దానిని ఆనుకుని ఉన్న మధ్య బంగాళాఖాతంఅనగా ఉత్తర కోస్తాఆంధ్ర తీరం తీరము వెంబడి పెను గాలులు 45 నుంచి 55 కి.మీవేగంతో గరిష్టముగా 65 కిలోమీటర్ల వేగంతో గాలులు వీచే అవకాశము ఉంటుంది

దక్షిణ కోస్తా ఆంధ్ర :
——————————
ఈరోజు, రేపు, ఎల్లుండి దక్షిణ కోస్తా ఆంధ్రాలో తేలికపాటి నుంచి ఒక మోస్తరు జల్లులు ఒకటి లేక రెండు చోట్ల కురిసే అవకాశం ఉంది.

రాయలసీమ:
———————-
ఈరోజు, రేపు, ఎల్లుండి రాయలసీమలో తేలికపాటి నుంచి ఒక మోస్తరు జల్లులు ఒకటి లేక రెండు ప్రదేశములలో కురిసే అవకాశం ఉంది.

Also Read: 2 గంటలు చిన్నారి మెడను చుట్టిన నాగుపాము.. కానీ చివరకు మాత్రం

ఆ హీరోయిన్ ఫోన్​ వాల్​పేపర్​గా నటసింహం బాలయ్య ఫొటో