Gold Crime: ప్రతి’మూల’ మలుపులో గోల్డ్ గ్యాంగ్స్! లేటెస్ట్ నేరాల్లో 90 శాతం ఇవే క్రైమ్స్!
2025 జనవరి.. అంటే ఓ పది నెలల క్రితం. మెడలోని గోల్డ్ చైన్ లాక్కొనిపోతున్నాడొకడు.. ఇతనేమో బైక్ స్టార్ట్ చేసి చేజ్ చేసేంత పొజిషన్లో లేడు. సందుగొందుల్లోంచి దొంగ పారిపోతుంటే చూస్తుండిపోవడం తప్ప ఏమీ చేయలేని నిస్సహాయ స్థితిలో ఉన్నాడు. కారణం.. ఆ చైన్ కోసం పరిగెత్తితే ఈ బైక్ పోతుందన్న భయం. ఒకట్రెండు రోజుల క్రితం సేమ్ సీన్. పోతే పోయింది బైక్ అని దొంగ వెనక పరిగెత్తాడు. ఏం మారింది ఈ పది నెలల్లో. జనవరిలో బంగారం ధర 78 వేలు. బైక్ కాస్ట్ లక్షా 20 వేలు. మరి ఇప్పుడు! బంగారం ధర లక్షా 30వేలు. బైక్ కంటే బంగారమే కాస్ట్. అదీ డిఫరెన్స్. ఇప్పుడు చెప్పింది ఎగ్జాంపులే. బట్.. సీరియస్గా తీసుకోవాల్సిన అంశం ఉంది ఇందులో. ఎంతకైనా తెగించి బంగారం కొట్టేసే బ్యాచ్లు రెడీ అవుతున్నాయ్. నమ్మరు.. ముక్కు పోగును సైతం కత్తిరించుకెళ్లినా ఆశ్చర్యం లేదు. గల్లీ నుంచి లండన్, న్యూయార్క్ వీధుల వరకు బంగారం దొంగలు ఎలాంటి ట్రైనింగ్ తీసుకుంటున్నారో చెప్తా మీకు. ఆశ్చర్యపోతారు. అమ్మ బాబోయ్ అని బ్యాంక్ లాకర్లలో పెట్టుకుంటారేమో. అక్కడెలా దోచేయాలనే దానిపై అంతకు మించిన ట్రైనింగ్స్ తీసుకుంటున్నాయ్ గోల్డ్ గ్యాంగ్స్.
పేదవాళ్లు కూడా ‘లక్షా’ధికారులే ఇప్పుడు. పసుపు తాడే కావొచ్చు గానీ.. సూత్రాలు బంగారపువి కాబట్టి ఆ లెక్కన ‘లక్షా’ధికారులే. ఏ ఇంటికి వెళ్లినా, ఏ వీధిలో చూసినా అంతా ‘లక్షా’ధికారుల్లాగే కనిపిస్తున్నారు దొంగలకి. పది గ్రాములు దోచేస్తే చాలు.. ఆ దొంగా లక్షాధికారే. పది ప్లాన్లు వేసి, పదేసి గ్రాముల చొప్పున దోచేసినా ఏడాదంతా బిందాస్. ఇదేదో దొంగలను ఎంకరేజ్ చేసినట్టుంది గానీ… గోల్డ్ గ్యాంగ్స్ ప్లాన్స్ ఇలానే ఉన్నాయ్. ఊరికనే చెప్పడం కాదు. గోల్డ్ రేట్ పెరిగినప్పటి నుంచి తెలుగు రాష్ట్రాల్లో, దేశంలోని ఇతర రాష్ట్రాల్లో, అమెరికా టు బ్రిటన్లో గోల్డ్ క్రైమ్ డేటా చెప్తానిప్పుడు. మైండ్ బ్లాంక్ అయ్యేలా ఉంటాయా స్టాటిస్టిక్స్. ఫైనాన్షియల్గా కాస్త బెటర్ పొజిషన్లో ఉన్న వాళ్లు సైతం… ఓ స్పోర్ట్స్ బైక్ కొనుక్కొని, హెల్మెట్ పెట్టుకుని, మెడలో ఉన్న గోల్డ్ చైన్ లాక్కుని వెళ్తున్నారు. కారణం.. ఈజీ మనీకి అలవాటు పడడం. జల్సాలు చేయడానికైనా, గంజాయి-డ్రగ్స్ వంటిని కొనుక్కోవాలన్నా చాలా డబ్బు కావాలి. ఈరోజుల్లో పర్సులో డబ్బు పట్టుకెళ్తున్న వాళ్లే లేరు. సో, లచ్చిందేవే నడిచొస్తున్నట్టు కనిపించేది మెడలో చైన్లు వేసుకుని తిరుగుతున్న వాళ్లే. వారం క్రితం తార్నాకలో ఓ ఇంట్లో దొంగతనం జరిగింది. బీరువాలో ఉంచిన 15 తులాల బంగారాన్ని దోచాడో దొంగ. సీసీటీవీ ఫుటేజ్ చూస్తే.. ఆ దొంగతనం చేసింది ధీరజ్ అనే 30 ఏళ్ల సైకోథెరపి డాక్టర్ అని తేలింది. పెరుగుతున్న బంగారం...