Breaking News
  • విశాఖ: సింహాద్రి అప్పన్నస్వామికి స్వర్ణ తులసీ దళాలు సమర్పణ. రూ.25 లక్షలు విలువైన 50 స్వర్ణ తులసీ దళాలు సమర్పించిన బోకం శ్రీనివాసరావు దంపతులు. గతంలోనూ పలు కానుకలు సమర్పించిన శ్రీనివాసరావు.
  • అమరావతి: ఓఎన్‌జీసీ, గెయిల్‌ అధికారులతో మంత్రి పెద్దిరెడ్డి భేటీ. మత్స్యకారులకు చేయూతనివ్వాలని కోరిన పెద్దిరెడ్డి రామచంద్రారెడ్డి. కార్పొరేట్‌ రెస్పాన్స్‌బిలిటీ కింద 2శాతం చెల్లించాలని కోరిన మంత్రి. గతంలో రూ.150 కోట్లు ఇస్తామని ఓఎన్‌జీసీ, గెయిల్‌ అంగీకారం. బకాయిలు రూ.82.12 కోట్లు వెంటనే చెల్లించాలని కోరిన పెద్దిరెడ్డి. ఆయిల్ నిక్షేపాల వెలికితీత సమయంలో మత్స్య సంపదకు నష్టం కలుగకుండా జాగ్రత్తలు తీసుకోవాలని సూచన.
  • తిరుపతి: మీడియాతో మాజీ సీఎం కిరణ్‌ కుమార్‌రెడ్డి చిట్‌చాట్‌. పీసీసీ చీఫ్‌ పదవి మీడియా ఊహగానాలేనన్న కిరణ్‌కుమార్‌రెడ్డి. పీసీసీ చీఫ్‌ పదవిపై అంతగా ఆసక్తి లేదన్న మాజీ సీఎం. తాజా రాజకీయాల తీరుపై తీవ్ర అసంతృప్తి. తాను తిరుపతిలో తెలుగు మహాసభలను ఘనంగా నిర్వహించానన్న కిరణ్‌. చిత్తూరు జిల్లాలో తాను ప్రారంభించిన తాగు, సాగు నీరు ప్రాజెక్టు కొనసాగించకపోవడం పట్ల ఆవేదన. తిరుపతిలో అంతర్జాతీయ స్టేడియం నిర్మించకపోవడంపై అసంతృప్తి.
  • సైదాబాద్‌ పీఎస్‌లో అక్బరుద్దీన్‌పై కేసునమోదు. అక్బరుద్దీన్‌పై క్రిమినల్‌ కేసు నమోదు చేయాలని సైదాబాద్‌ పోలీసులను ఆదేశించిన నాంపల్లి కోర్టు. భారత దేశ సార్వభౌమత్వాన్ని సవాల్‌ చేసిన అక్బరుద్దీన్‌. న్యాయవాది కరుణసాగర్‌ ఫిర్యాదుతో కేసునమోదు.
  • గుంటూరు: దుర్గి మండలం ధర్మవరంలో జనసేన నేతల పర్యటన. బోనబోయిన శ్రీనివాస్‌యాదవ్‌ ఆధ్వర్యంలో కార్యకర్తలకు పరామర్శ. గ్రామంలో తిరునాళ్ల సందర్భంగా పోలీసులు, గ్రామస్తుల మధ్య ఘర్షణ. గురజాల డీఎస్పీ శ్రీహరిని కలిసిన జనసేన నేతలు. గొడవతో సంబంధం లేని వారిని కేసుల నుంచి తొలగించాలని విజ్ఞప్తి. గురజాల సబ్‌జైలులో ఉన్న ధర్మవరం జనసైనికులకు పరామర్శ.
  • తూ.గో: రాజమండ్రి దగ్గర పురాతన హెవలాక్‌ బ్రిడ్జిని పరిశీలించిన ఎంపీ మార్గాని భరత్‌, టూరిజం ఎండీ ప్రవీణ్‌కుమార్‌. హెవలాక్‌ బ్రిడ్జిని పర్యాటక కేంద్రంగా తీర్చుదిద్దనున్న ప్రభుత్వం. వాకింగ్‌, సైక్లింగ్‌ ట్రాక్‌, ఫుడ్‌బజార్‌, ఫ్యాషన్‌ బజార్లకు ఏర్పాటు. 40 అడుగుల మేర ట్రాక్‌ ఏర్పాటు చేయాలని కోరిన ఎంపీ. త్వరలో పనులు ప్రారంభిస్తామన్న ఎండీ ప్రవీణ్‌కుమార్‌.

సొంత పార్టీ ఎమ్మెల్యే అరెస్ట్.. ఇదీ ‘జగన్’ మార్క్

CM YS Jagan shows his mark, సొంత పార్టీ ఎమ్మెల్యే అరెస్ట్.. ఇదీ ‘జగన్’ మార్క్

మొదటిసారి సీఎంగా అధికార పగ్గాలు చేపట్టిన జగన్ మోహన్ రెడ్డి ఇప్పటికీ నాలుగు నెలలను పూర్తి చేసుకున్నాడు. ఈ నాలుగు నెలల్లో పలు సంచలన నిర్ణయాలు తీసుకుంటూ.. పరిపాలనలో తనదైన మార్కును చూపిస్తున్నారు. ముఖ్యంగా పారదర్శక పాలన చేస్తానని ముందు నుంచి చెబుతూ వస్తోన్న జగన్.. తప్పు చేస్తే ఎవ్వరినీ వదలనని పలు సందర్బాల్లో వెల్లడించారు. ఆ మాటకు కట్టుబడి ఉండి.. తాజాగా తన సొంత పార్టీ ఎమ్మెల్యే అయిన కోటంరెడ్డి శ్రీధర్‌రెడ్డిని ఆయన అరెస్ట్ చేయించారు. దీంతో ఏపీలో రాజకీయాలు మరింత రసవత్తరం అయ్యాయి. సాధారణంగా అధికారంలో ఉన్న ఎవరైనా.. తమ పార్టీ నేతలపై వచ్చిన ఆరోపణలను కప్పిపుచ్చుతూ ఉంటారు. కానీ జగన్ మాత్రం తప్పు చేసిన తన ఎమ్మెల్యేను అరెస్ట్ చేయించడం రాజకీయాల్లో చర్చనీయాంశంగా మారింది.

అయితే ఇలాంటి ఘటనే గతంలో చంద్రబాబు హయాంలోనూ జరిగింది. అప్పట్లో ఎమ్మెల్యే అయిన చింతమనేని ప్రభాకర్.. మహిళా ఎమ్మార్వో వనజాక్షిపై చేయి చేసుకున్నారు. దీనికి సంబంధించిన కచ్చితమైన ఆధారాలు కూడా లభించాయి. అదొక్కటే కాదు టీడీపీ అధికారంలో ఉన్న సమయంలో చింతమనేని ఆగడాలు మరెన్నో సాగాయి. కానీ అప్పటి సీఎం చంద్రబాబు మాత్రం చింతమనేనిపై ఈగ వాలనీయకుండా చూసుకున్నట్లు ఆరోపణలు వచ్చాయి. అంతేకాదు వనజాక్షి విషయంలో.. ఆమెను ఇంటికి పిలిపించుకొని వ్యవహారం సెటిల్ చేసినట్లు వార్తలు వినిపించాయి. కానీ జగన్ మాత్రం చంద్రబాబులా కాకుండా.. ఘటనపై ఆరా తీసి, ఎమ్మెల్యేను అరెస్ట్ చేయించడం గమనర్హం. ఏది ఏమైనా ఆరు నెలల్లో బెస్ట్ సీఎం అనిపించుకుంటానని వాగ్ధానం ఇచ్చిన జగన్.. ఈ విషయంలో మాత్రం నిజంగానే అనిపించుకున్నాడని పలువురు కామెంట్లు పెడుతున్నారు.