ఎవరైనా తన నోబెల్ బహుమతిని వేరొకరికి ఇవ్వవచ్చా..? నియమాలు ఏం చెబతున్నాయి..?

Venezuela Maria Corina Machado Nobel Prize To Donald Trump

ఇటీవల, వెనిజులా ప్రతిపక్ష నాయకురాలు మరియా కొరినా మచాడో వైట్ హౌస్‌లో జరిగిన సమావేశంలో అమెరికా అధ్యక్షుడు డొనాల్డ్ ట్రంప్‌నకు తన నోబెల్ శాంతి బహుమతి పతకాన్ని అందజేయడం ద్వారా వార్తల్లో నిలిచారు. కానీ ఇది నోబెల్ బహుమతిని నిజంగా ఒక వ్యక్తి నుండి మరొకరికి బదిలీ చేయవచ్చా అనే ప్రశ్నలు లేవనెత్తుతున్నాయి. దీని వెనుక ఉన్న సత్యాన్ని తెలుసుకుందాం.

నార్వేజియన్ నోబెల్ కమిటీ, నోబెల్ శాంతి బహుమతి నియమాల ప్రకారం, నోబెల్ బహుమతి అధికారికంగా ప్రదానం చేసిన తర్వాత, దానిని రద్దు చేయలేము. ఇంకా, దానిని విభజించలేరు. మరెవరికీ బదిలీ చేయలేరు. దీని అర్థం భౌతిక పతకం ఎవరికి ప్రదానం చేసిన గౌరవం, బిరుదు, అధికారిక గుర్తింపు అసలు విజేతతోనే ఉంటాయని ర్వేజియన్ నోబెల్ కమిటీ రూల్స్ స్పష్టం చేస్తున్నాయి.

నోబెల్ పతకం సంబంధిత నగదు బహుమతి విజేత వ్యక్తిగత ఆస్తిగా మారుతుంది. అయితే, నోబెల్ శాంతి బహుమతి గ్రహీత అనే చట్టపరమైన, అధికారిక హోదాను మరెవరికీ బదిలీ చేయలేరు. విజేతలు తమ పతకం, బహుమతి డబ్బును వారు ఎంచుకున్న విధంగా నిలుపుకోవచ్చు. బహుమతిగా ఇవ్వవచ్చు. అమ్మవచ్చు. లేదంటే విరాళంగా ఇవ్వవచ్చు. అయితే, దీని వలన పతకం, బహుమతి డబ్బు ప్రదానం చేసిన వ్యక్తిని గ్రహీతగా చేయలేరని నిబంధనలు చెబుతున్నాయి.

నోబెల్ అవార్డు అందుకున్న తర్వాత బహుమతి డబ్బు చట్టబద్ధంగా గ్రహీతకు చెందుతుంది. గ్రహీతలు కొన్నిసార్లు తమ నగదు అవార్డులను దాతృత్వానికి విరాళంగా ఇస్తారు. పరిశోధన, మానవతా ప్రాజెక్టులు, విద్యా కార్యక్రమాలకు మద్దతు ఇవ్వడానికి ఉపయోగిస్తారు. కానీ అవార్డు మాత్రం గ్రహీతకే సొంతం.

నోబెల్ బహుమతులు ఆల్ఫ్రెడ్ నోబెల్ వీలునామా ద్వారా స్థాపించబడ్డాయి. ప్రతి ఒక్కరు ఈ కఠినమైన నియమాలను అనుసరించాల్సి ఉంటుంది. ఈ నియమాలు వివాదం, రాజకీయ అవకతవకలు, అవార్డు అనంతర సవరణలను నిరోధించడానికి రూపొందించబడ్డాయి. అవార్డు ఇచ్చే సంస్థ నిర్ణయానికి వ్యతిరేకంగా ఎటువంటి అప్పీళ్లు చేయలేమని ఈ నియమాలు స్పష్టంగా చెబుతున్నాయి. అంతేకాకుండా, బహుమతి ప్రకటించిన తర్వాత, అది ఎప్పటికీ చెల్లుబాటులో ఉంటుంది.

మరిన్ని అంతర్జాతీయ వార్తల కోసం ఇక్కడ క్లిక్ చేయండి