238 మంది ప్రయాణికులతో వెళ్తున్న విమానం.. గాలిలో ఉండగానే సాంకేతిక లోపం.. కట్ చేస్తే..!

Thailand To Russian Passenger Flight

జనవరి 23, 2026న, అజుర్ ఎయిర్‌లైన్స్ విమానం ZF-2998 థాయిలాండ్‌లోని ఫుకెట్ నుండి రష్యాలోని బర్నాల్‌కు ప్రయాణిస్తోంది. విమానం గాలిలో ఉండగానే ఫైలట్ సాంకేతిక లోపం గుర్తించాడు. దీంతో విమానాన్ని చైనాలోని లాన్‌జౌ విమానాశ్రయంలో అత్యవసరంగా ల్యాండ్ చేయాల్సి వచ్చింది. విమానంలో 238 మంది ప్రయాణికులు ఉన్నారు.

విమానం సురక్షితంగా ల్యాండ్ అయిందని అజుర్ ఎయిర్‌లైన్స్ ప్రతినిధి తెలిపారు. విమానంలో ఉన్న 238 మంది ప్రయాణికులు, సిబ్బంది సురక్షితంగా ఉన్నారని వెల్లడించారు. విమానంలో సాంకేతిక లోపానికి గల కారణాలపై దర్యాప్తు చేస్తున్నామని అధికారులు తెలిపారు. ఫ్లైట్‌రాడార్ ప్రకారం, 6.6 కిలోమీటర్ల ఎత్తులో సాంకేతిక లోపాన్ని గుర్తించారు. విమానం మధ్యాహ్నం 1 గంటలకు రష్యాకు బయలుదేరింది. లాన్‌జౌ విమానాశ్రయం పశ్చిమ భాగంలో విమానం దాదాపు 45 నిమిషాల పాటు హోల్డింగ్ ప్యాటర్న్‌లో ప్రయాణించింది. విమానం అత్యవసర సేవల కోసం సురక్షితంగా ల్యాండ్ చేశారు.

అజుర్ ఎయిర్‌లైన్స్ ప్రెస్ సర్వీస్ ఒక ప్రకటన విడుదల చేస్తూ, విమానం లాన్‌జౌ విమానాశ్రయంలోని రన్‌వే 19లో అనుకోకుండా ల్యాండింగ్ అయిందని తెలిపింది. “మేము పరిస్థితిని నిశితంగా పర్యవేక్షిస్తున్నాము. పరిస్థితి అదుపులో ఉంది” అని అధికారులు తెలిపారు. ఇంతలో, లాన్‌జౌ విమానాశ్రయ అధికారులు ఇప్పటికే అత్యవసర సేవలను మోహరించారు. రన్‌వే క్లియర్ చేసి, అగ్నిమాపక దళాలు, వైద్య బృందాలు, భద్రతా సంస్థలను మోహరించారు.

ఇదిలావుంటే, గతంలో, అక్టోబర్ 2025లో, హాంగ్‌జౌ నుండి సియోల్‌కు వెళ్లే ఎయిర్ చైనా విమానం షాంఘైలో అత్యవసరంగా ల్యాండ్ చేయాల్సి వచ్చింది. విమాన క్యాబిన్ లోపల లిథియం బ్యాటరీ మంటల్లో చిక్కుకుంది. ఈ సంఘటనకు సంబంధించిన వీడియో సోషల్ మీడియా Xలో వైరల్ అయింది, ప్రయాణికులు, సిబ్బంది ఓవర్ హెడ్ కంపార్ట్‌మెంట్‌లో మంటలను ఆర్పడానికి ప్రయత్నించిన వీడియో వైరల్ అయ్యింది.

మరిన్ని అంతర్జాతీయ వార్తల కోసం ఇక్కడ క్లిక్ చేయండి..