Viral Video: వార్షిక ఎయిర్ రేస్ పోటీల్లో అగ్నికి ఆహుతైన విమానం.. కళ్లముందే పైలట్ సజీవ దహనం!
అమెరికాలోని నెవాడాలో జరుగుతున్న యానువల్‌ ఎయిర్ రేస్ పోటీల్లో అపశృతి నెలకొంది. చివరిరోజున నిర్వహిస్తున్న పోటీల్లో ఓ విమానానికి ప్రమాదవశాత్తు అగ్నిప్రమాదం సంభవించడంతో పైలట్ సజీవ దహనమయ్యాడు..
Fiery Jet Crash During US Reno Air Races: అమెరికాలోని నెవాడాలో జరుగుతున్న యానువల్‌ ఎయిర్ రేస్ పోటీల్లో అపశృతి నెలకొంది. చివరిరోజున నిర్వహిస్తున్న పోటీల్లో ఓ విమానానికి ప్రమాదవశాత్తు అగ్నిప్రమాదం సంభవించడంతో పైలట్ సజీవ దహనమయ్యాడు. దీనికి సంబంధించిన వీడియో నెట్టింట వైరల్‌ అవుతోంది. న్యూయార్క్ పోస్ట్ నివేదిక ప్రకారం.. రెనో ఎయిర్ రేసెస్‌లో భాగంగా ఛాంపియన్‌షిప్ రౌండ్‌లో చివరి రోజైన ఆదివారం (సెప్టెంబర్‌ 18)నాడు ఈ దుర్ఘటన చోటుచేసుకుంది. జెట్ గ్లోడ్ రేస్ మూడవ ల్యాప్‌లో ఔటర్ పైలాన్ ఐదు వద్ద ఘోర ప్రమాదం సంభవించి.. ఫైలట్‌తో సహా విమానం పూర్తిగా దహనమయ్యింది. దీంతో మిగతా పైలట్లందరూ గ్రౌండింగ్ అయ్యారు. మరణించిన పైలట్ పేరును అధికారులు ఇంకా వెల్లడించలేదు. ఈ సంఘటనకు దారి తీసిన కారణాలపై నేషనల్ ట్రాన్స్‌పోర్టేషన్ సేఫ్టీ బోర్డ్ (NTSB), ఫెడరల్ ఏవియేషన్ అడ్మినిస్ట్రేషన్ (FAA) ద్వారా క్షుణ్ణంగా దర్యాప్తు చేపడతామని, ఈ ఏవీలో పాల్గొన్న ఇతర పైలట్లలో ఎవ్వరికీ గాయాలు కాలేద, అందరూ సురక్షితంగా ఉన్నారని రేస్ ఛైర్మన్ ఫ్రెడ్ టెల్లింగ్ మీడియాకు వెల్లడించారు.
ఈ సంఘటన జరిగిన కొద్దిసేపటికే చివరి రోజున నిర్వహించవల్సిన మిగతా ఈవెంట్లన్నింటినీ రద్దు చేశారు. కాగా రెనో ఎయిర్ రేస్‌లు ఏటా సెప్టెంబర్‌లో నెవాడాలోని రెనో స్టెడ్ ఎయిర్‌పోర్ట్‌లో జరుగుతాయి. ఈ ఈవెంట్‌లో బైప్లేన్స్‌, జెట్ ప్లేన్స్‌ వంటి వివిధ విమానాల మధ్య పోటీలు నిర్వహిస్తారు.