కుటుంబం కోసం పదవి త్యాగం.. యూఎస్ ఇంటెలిజెన్స్ చీఫ్ తులసి గబ్బార్డ్ రాజీనామా..!
అమెరికా జాతీయ గూఢచార విభాగంలో (DNI) కీలక పరిణామాలు చోటుచేసుకుంటున్నాయి. ఆ విభాగం డైరెక్టర్ తులసి గబ్బార్డ్ తన పదవికి రాజీనామా చేస్తున్నట్లు ప్రకటించారు. ఆ స్థానంలో కొత్త తాత్కాలిక డైరెక్టర్గా ఆరోన్ లూకాస్ నియమితులవుతారని అధ్యక్షుడు డొనాల్డ్ ట్రంప్ స్వయంగా వెల్లడించారు. గూఢచార సంస్థల పనితీరుకు ఎలాంటి ఆటంకం కలగకుండా చూసేందుకే ఈ తక్షణ నిర్ణయం తీసుకున్నట్లు ట్రంప్ పేర్కొన్నారు.
అమెరికా జాతీయ గూఢచార విభాగంలో (DNI) కీలక పరిణామాలు చోటుచేసుకుంటున్నాయి. ఆ విభాగం డైరెక్టర్ తులసి గబ్బార్డ్ తన పదవికి రాజీనామా చేస్తున్నట్లు ప్రకటించారు. ఆ స్థానంలో కొత్త తాత్కాలిక డైరెక్టర్గా ఆరోన్ లూకాస్ నియమితులవుతారని అధ్యక్షుడు డొనాల్డ్ ట్రంప్ స్వయంగా వెల్లడించారు. గూఢచార సంస్థల పనితీరుకు ఎలాంటి ఆటంకం కలగకుండా చూసేందుకే ఈ తక్షణ నిర్ణయం తీసుకున్నట్లు ట్రంప్ పేర్కొన్నారు. ప్రస్తుతం తులసి గబ్బార్డ్ విభాగంలో సీనియర్ అధికారిగా, డిప్యూటీ డైరెక్టర్గా లూకాస్ బాధ్యతలు నిర్వహిస్తున్నారు. జాతీయ భద్రతకు సంబంధించిన ఈ అత్యంత కీలకమైన బాధ్యతను ఆరోన్ లూకాస్ స్వీకరించనున్నారు.
తులసి గబ్బార్డ్ ఈ ఏడాది జూన్ 30న తన పదవి నుంచి పూర్తిగా వైదొలగనున్నారు. అయితే, ఆమె ఈ నిర్ణయాన్ని ఎలాంటి రాజకీయ కారణాల వల్ల తీసుకోలేదు. పూర్తిగా కుటుంబ పరిస్థితుల వల్లే తాను తప్పుకోవాల్సి వస్తోందని ఆమె స్పష్టం చేశారు. గబ్బార్డ్ భర్తకు అరుదైన, తీవ్రమైన ఎముక క్యాన్సర్ ఉన్నట్లు నిర్ధారణ అయింది. ఈ క్లిష్ట సమయంలో భర్తకు అండగా నిలబడటమే తనకు అత్యంత ముఖ్యమని పేర్కొంటూ ఆమె సోషల్ మీడియా వేదికగా ఈ భావోద్వేగపూరితమైన విషయాన్ని పంచుకున్నారు.
I am deeply grateful for the trust President Trump placed in me and for the opportunity to lead @ODNIgov for the last year and a half.
Unfortunately, I must submit my resignation, effective June 30, 2026. My husband, Abraham, has recently been diagnosed with an extremely rare… pic.twitter.com/PS0Dxp5zpd
— Tulsi Gabbard 🌺 (@TulsiGabbard) May 22, 2026
తులసి గబ్బార్డ్ తీసుకున్న నిర్ణయానికి అమెరికాలోని పలువురు ప్రముఖ నాయకులు మద్దతుగా నిలిచారు. అమెరికా ఉపాధ్యక్షుడు జె.డి. వాన్స్ ఆమెను ఒక నిజమైన దేశభక్తురాలిగా అభివర్ణించారు. కుటుంబానికే ఎప్పుడూ మొదటి ప్రాధాన్యత ఉంటుందని, ఆమె భర్త త్వరగా కోలుకోవాలని ప్రార్థిస్తున్నట్లు చెప్పారు. సెనేటర్ లిండ్సే గ్రాహం, తాత్కాలిక అటార్నీ జనరల్ టాడ్ బ్లాంచ్ తదితరులు గబ్బార్డ్ చేసిన సేవలను ప్రశంసించారు. మరోవైపు, కాలిఫోర్నియా సెనేటర్ ఆడమ్ షిఫ్ వంటి ప్రతిపక్ష నాయకులు ఆమె విధానాలను వ్యతిరేకిస్తూ.. గబ్బార్డ్ భద్రతా సంస్థలను బలహీనపరిచారని విమర్శించారు.
తన స్వల్ప పదవీకాలంలోనే గబ్బార్డ్ గూఢచార వర్గంలో అనేక కఠినమైన మార్పులు తెచ్చారు. ఏజెన్సీ పరిమాణాన్ని తగ్గించడంతో పాటు, అమెరికా గూఢచార వ్యవస్థలో వివాదాస్పదంగా మారిన వైవిధ్యం, సమానత్వం, సమ్మిళితత్వం కార్యక్రమాలను ఆమె పూర్తిగా నిలిపివేసి సంచలన నిర్ణయాలు తీసుకున్నారు. ఇప్పుడు ఆమె నిష్క్రమణతో ఆరోన్ లూకాస్ నాయకత్వంలో ఈ విభాగం ఎలా ముందుకు సాగుతుందనేది ఆసక్తికరంగా మారింది.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..