Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

హిట్ కోసం క్రియేటివ్ దర్శకుడి తిప్పలు.. ఫలితం లభించేనా..!

Ilairaaja scores music for Rangamarthanda, హిట్ కోసం క్రియేటివ్ దర్శకుడి తిప్పలు.. ఫలితం లభించేనా..!

కృష్ణవంశీ.. క్రియేటివ్ దర్శకుడిగా ఈయనకు టాలీవుడ్‌లో ప్రత్యేక స్థానం ఉంది. 24 ఏళ్లలో కేవలం 20 సినిమాలే తెరకెక్కించినప్పటికీ.. ఉత్తమ దర్శకుడిగా నాలుగు నంది అవార్డులు, మూడు ఫిలింఫేర్ అవార్డులు సాధించుకున్నారు. అంతేకాదు ఆయన తెరకెక్కించిన రెండు చిత్రాలకు జాతీయ అవార్డులు కూడా వచ్చాయి. కానీ ‘చందమామ’ చిత్రం తరువాత ఆయన గ్రాఫ్ పడిపోతూ వచ్చింది. దాదాపు 12 ఏళ్లుగా ఆయన ఖాతాలో పెద్ద హిట్ లేదు. దీంతో స్టార్ హీరోలు కూడా ఆయనకు దూరమవుతూ వచ్చారు. అయితే ఇవన్నీ ఆయన లెక్కచేయడం లేదు. ఎలాగైనా పెద్ద హిట్ కొట్టాలని మాత్రమే చూస్తున్నాడు. ఈ క్రమంలో మరాఠీలో పెద్ద విజయం సాధించిన ‘నట్‌సామ్రాట్‌’ను ‘రంగమార్తాండ’ అనే పేరుతో తెలుగులో రీమేక్ చేయబోతున్నాడు కృష్ణవంశీ.

రెడ్‌బల్బ్ మూవీస్, హౌస్‌ఫుల్ మూవీస్, ఎస్వీఆర్ గ్రూప్ సంస్థలు సంయుక్తంగా నిర్మిస్తున్న ఈ చిత్రంలో ప్రకాష్ రాజ్, రమ్యకృష్ణలు ప్రధాన పాత్రలలో నటించబోతున్నారు. ప్రస్తుతం ఈ మూవీకి చెందిన ప్రీ ప్రొడక్షన్ పనులు జరుగుతుండగా.. త్వరలోనే సెట్స్ మీదకు వెళ్లనుంది. కాగా ఈ మూవీ కోసం ఇప్పుడు మ్యూజిక్ మాస్ట్రో, ఇసైజ్ఞాని ఇళయరాజాను సంగీత దర్శకుడిగా ఎంచుకున్నాడు కృష్ణవంశీ. దీనికి సంబంధించి ఇటీవల ఇళయరాజాను కలుసుకొని సంప్రదింపులు జరిపిన కృష్ణవంశీ.. ఆయనతో ఫొటో కూడా తీసుకున్నారు. కాగా వీరిద్దరి కాంబినేషన్‌లో 1998లో ‘అంత:పురం’ తెరకెక్కగా.. ఈ మూవీ భారీ విజయాన్ని సొంతం చేసుకుంది. మరోవైపు స్టోరీ తనకు నచ్చితే తప్ప.. ఏ సినిమాకు సంగీతం అందించడానికి ఒప్పుకోరు ఇళయరాజా. ఇక ఆయన కృష్ణవంశీ సినిమాకు ఒప్పుకున్నారంటే.. అందులో స్ట్రాంగ్ కంటెంట్ ఉందని అర్థమవుతోంది. మొత్తానికి ఈ ప్రాజెక్ట్ కోసం తన భార్య రమ్యకృష్ణను రంగంలోకి దింపడంతో పాటు.. ఇళయరాజాను కూడా మెప్పించాడంటే కృష్ణవంశీ హిట్ కొట్టడం ఖాయమనే అంచనాలు మొదలయ్యాయి. మరి ఈ ఫలితం ఎలా ఉండబోతుందో చూడాలంటే మాత్రం సినిమా వచ్చే వరకు ఆగాల్సిందే.

Related Tags