పై నుంచి మంచు వాన.. కింద నిప్పుల కుంపటి
ఉత్తరార్ధగోళంలో అమెరికా, రష్యాలను మంచు తుఫానులు ముంచెత్తుతుండగా, దక్షిణార్ధగోళంలో ఆస్ట్రేలియాను రికార్డు స్థాయి వేడిగాలులు, చిలీని కార్చిచ్చులు దహిస్తున్నాయి. ప్రపంచవ్యాప్తంగా చోటుచేసుకుంటున్న ఈ విపరీత వాతావరణ పరిస్థితులు తీవ్ర నష్టాన్ని కలిగిస్తున్నాయి.ఉత్తరార్ధగోళంలో అమెరికా, రష్యాలను మంచు తుఫానులు ముంచెత్తుతుండగా, దక్షిణార్ధగోళంలో ఆస్ట్రేలియాను రికార్డు స్థాయి వేడిగాలులు, చిలీని కార్చిచ్చులు దహిస్తున్నాయి. ప్రపంచవ్యాప్తంగా చోటుచేసుకుంటున్న ఈ విపరీత వాతావరణ పరిస్థితులు తీవ్ర నష్టాన్ని కలిగిస్తున్నాయి.
భూగోళం ఒకవైపు మంచు దుప్పటి కప్పుకుంటే, మరోవైపు నిప్పుల కుంపటిలా వేడెక్కుతోంది. ప్రపంచవ్యాప్తంగా అసాధారణ వాతావరణ పరిస్థితులు చోటుచేసుకుంటున్నాయి. ఉత్తరార్ధగోళంలోని అమెరికా, రష్యాలను భయంకరమైన మంచు తుఫానులు వణికిస్తున్నాయి. అమెరికాలో ఫెర్న్ తుఫానుతో పాటు ఆర్కిటిక్ చలి గాలులు పలు ప్రాంతాల్లో మైనస్ 45 డిగ్రీల సెల్సియస్ ఉష్ణోగ్రతలను నమోదు చేస్తున్నాయి. 17 రాష్ట్రాల్లో అత్యవసర పరిస్థితి విధించగా, 16 కోట్ల మంది ప్రజలపై ఈ ప్రభావం పడుతోంది. రష్యాలోని కాంచట్కా ప్రాంతంలో ఆరు అడుగుల మేర హిమపాతం నమోదైంది. మరోవైపు దక్షిణార్ధగోళం వేడిగాలులతో అల్లాడుతోంది. ఆస్ట్రేలియాలో కొన్ని ప్రాంతాల్లో 50 డిగ్రీల సెల్సియస్ ఉష్ణోగ్రతలు నమోదై కార్చిచ్చులకు దారితీశాయి. లక్షలాది మంది ప్రజలు తీవ్ర వేడిమిని తట్టుకోలేక ఇబ్బందులు పడుతున్నారు. చిలీలో కూడా బియో బియో, ఉబ్లే ప్రాంతాల్లో చెలరేగిన దావానలాలు 40,000 హెక్టార్ల అటవీ ప్రాంతాన్ని, వందలాది ఇళ్లను దగ్ధం చేశాయి.
మరిన్ని వీడియోల కోసం :