60 రోజుల్లో అమెరికా వదలకుంటే జైలుకే?రోడ్డున పడ్డ భారతీయుల కన్నీళ్లు!
అమెరికా కల.. ప్రతి ఐటి ఇంజనీర్ జీవిత ఆశయం! లక్షల్లో జీతం, విలాసవంతమైన ఇల్లు, లగ్జరీ కార్లు, సమాజంలో ఎంతో గౌరవం. కానీ, 2026 మే నెలలో అమెరికా నుండి వస్తున్న వార్తలు వింటే గుండె తరుక్కుపోతోంది. ఒక్క రాత్రి.. అవును కేవలం ఒక్క రాత్రిలో వేలాది మంది భారతీయ ఐటి నిపుణుల జీవితాలను అక్కడి ట్రంప్ ప్రభుత్వం అంధకారంలోకి నెట్టేసింది. META, AMAZON, LINKDIN, ORACLE వంటి గ్లోబల్ టెక్ దిగ్గజాలు నమ్మకమైన తమ ఉద్యోగులను నిర్దాక్షిణ్యంగా వీధుల పాలు చేశాయి. మన దేశం నుండి వెళ్లి, రాత్రింబవళ్లు కష్టపడి, అమెరికా ఐటి సామ్రాజ్యాన్ని నిర్మించిన భారతీయ టెక్ మేధావులు ఇప్పుడు కన్నీళ్లతో తమ లగేజ్ సర్దుకుంటున్నారు. కారణం.. అమెరికా ఇమ్మిగ్రేషన్ నిబంధనల క్రూరమైన కౌంట్డౌన్! "60 రోజులు.. కేవలం 60 రోజుల్లో కొత్త ఉద్యోగం వెతుక్కోండి, లేదా మీ సామాన్లు సర్దుకుని అమెరికా వదిలి వెళ్లిపోండి!" అని వచ్చే మెసేజ్లు చూసి భారత టెకీలు ఇంటిదారి పడుతున్నారు.
Updated on: May 24, 2026 | 4:21 PM
ఇది కేవలం ఉద్యోగాల కోత కాదు.. లక్షలాది మంది భారతీయుల మనుగడ పోరాటం! అసలు అమెరికాలో ఏం జరుగుతోంది? టెక్ కంపెనీలు భారతీయులను ఎందుకు టార్గెట్ చేస్తున్నాయి? ఈ ’60-డేస్ గ్రేస్ పీరియడ్’ వెనుక ఉన్న భయంకరమైన నిజాలు ఏంటి? గ్రీన్ కార్డ్ కోసం దశాబ్దాలుగా వేచి చూస్తున్న కుటుంబాల పరిస్థితి ఏంటి? మొదటగా అసలు ప్రస్తుతం ఐటి రంగంలో ఉన్న భయానక వాతావరణాన్ని గణాంకాలతో సహా అర్థం చేసుకుందాం. ప్రముఖ గ్లోబల్ లేఆఫ్ ట్రాకింగ్ వెబ్సైట్ ‘Layoffs.fyi’ అందించిన తాజా నివేదికల ప్రకారం, 2026 సంవత్సరంలో ఇప్పటివరకు దాదాపు 144 కంటే ఎక్కువ అంతర్జాతీయ టెక్ కంపెనీలు భారీగా ఉద్యోగులను తొలగించాయి. దీనివల్ల కేవలం కొన్ని నెలల వ్యవధిలోనే ఒక లక్షా 10 వేల మందికి పైగా సాఫ్ట్వేర్, టెక్ ఉద్యోగులు తమ ఉద్యోగాలను కోల్పోయారు.ఇది ఏదో ఒక చిన్న కంపెనీలో జరిగింది కాదు. మార్క్ జుకర్బర్గ్ నేతృత్వంలోని మెటా, ఈ-కామర్స్ దిగ్గజం అమెజాన్, ప్రొఫెషనల్ నెట్వర్కింగ్ ప్లాట్ఫామ్ లింక్డ్ఇన్, క్లౌడ్ డేటాబేస్ దిగ్గజం ఒరాకిల్ వంటి సంస్థలు ఈ లేఆఫ్స్ పరంపరను ముందంజలో ఉండి నడిపిస్తున్నాయి. ఇక్కడ మనం గమనించాల్సిన అత్యంత కీలకమైన, బాధాకరమైన విషయం ఏమిటంటే.. ఈ తొలగించబడిన లక్ష మంది ఉద్యోగులలో అత్యధిక శాతం మంది భారతీయులే! అమెరికా ప్రతి సంవత్సరం జారీ చేసే H-1B వీసాలలో దాదాపు 70 శాతం వీసాలను భారతీయ ఐటి నిపుణులే పొందుతారు. యునైటెడ్ స్టేట్స్ సిటిజన్షిప్ అండ్ ఇమ్మిగ్రేషన్ సర్వీసెస్ డేటా ప్రకారం, ఆర్థిక సంవత్సరం 2025లో ఆమోదించబడిన 4.06 లక్షల H-1B పిటిషన్లలో దాదాపు 2.84 లక్షల పిటిషన్లు కేవలం భారతీయులవే. దీనిని బట్టి అమెరికా ఐటి రంగం భారతీయులపై ఎంతగా ఆధారపడి ఉందో అర్థం చేసుకోవచ్చు. కానీ, ఎప్పుడైతే కంపెనీలు ఖర్చులు తగ్గించుకోవాలని చూశాయో, అప్పుడు మొదటి వేటు పడింది కూడా ఈ H-1B వీసాపై ఉన్న భారతీయులపైనే
మరిన్ని వీడియో కోసం :
న్యూ రికార్డ్స్ ను టార్గెట్ చేస్తున్న రామాయణ!
