Explainer: మన దేశంలో డ్యాముల సేఫ్టీ ఎంత ??

తుంగభద్ర డ్యామ్ గేటు గల్లంతు. ఈ వార్త విన్నవారి గుండె గుభేల్ మంటుంది. డ్యామ్ గేటు కొట్టుకుపోవడం అంటే మాటలు కాదు. అందులోనూ 1953లో నిర్మాణమైనా.. దాదాపు 70 ఏళ్లుగా ప్రాజెక్ట్ గేట్ల విషయంలో ఇప్పటివరకు ఎలాంటి ఇబ్బందీ తలెత్తలేదు. ఇప్పుడు ఒక్కసారిగా 19వ నెంబర్ గేటు గల్లంతైంది. దీనికి కారణం నిర్వహణ లోపమా? మరేదైనా కారణం ఉందా? ఎందుకంటే ఈ ప్రాజెక్ట్ నీళ్లే.. కర్ణాటకతో పాటు ఏపీలోని రాయలసీమ, తెలంగాణ జిల్లాల్లోని లక్షలాది ఎకరాలకు దిక్కు. ఇప్పుడీ గేటు సమస్య వల్ల.. నీరు వృథాగా కిందకు పోతుండడంతో.. సాగుతో పాటు.. కొన్ని వందల గ్రామాల్లో తాగునీటికి ఇబ్బందులు తప్పవు. తుంగభద్ర డ్యామ్ కు ఉన్న మొత్తం గేట్లు.. 33. ఈ గేట్లను శనివారం రాత్రి ఎత్తి.. దిగువకు నీటిని వదులుతున్నప్పుడు.. 19వ నెంబర్ గేటుకున్న చైన్ లింక్ తెగింది. దీంతో అది డ్యామ్ ముందు నీళ్లలో పడి ఉండొచ్చని భావిస్తున్నారు. ఈ ప్రాజెక్ట్ కు ఉన్న సమస్య ఏంటంటే.. దీనికి స్టాప్ లాగ్ గేట్స్ లేవు. అంటే.. మెయిన్ గేట్లకు ఏమైనా అయితే.. అప్పుడు నీరు కిందకు పోకుండా.. ఈ స్టాప్ లాక్ గేట్స్ ను ఉపయోగిస్తారు. ఇప్పుడవి లేకపోవడంతో వేలాది క్యూసెక్కులను కిందకు వదలక తప్పలేదు. దీంతో స్టాప్ లాగ్ గేట్ ను వీలైనంత త్వరగా అమర్చడానికి ప్రయత్నిస్తున్నారు. ఇప్పటికే దీనికి సంబంధించి ఏర్పాట్లు చేశారు. ఈ డ్యామ్ ఉండేది కర్ణాటకలోనే. అయితే తెలంగాణ, ఏపీ, కర్ణాటక అధికారులు పనిచేసే తుంగభద్ర బోర్డు ఆధీనంలో ఈ డ్యామ్ నిర్వహణ ఉంటుంది. ఇక తుంగభద్ర డ్యామ్ కు అప్పట్లో గేట్లను ఆపరేట్ చేయడానికి చెయిన్ విధానాన్ని ఏర్పాటు చేశారు. కొత్తవాటిలో అయితే రేడియల్ గేట్లు అమర్చుతున్నా.. పాతవాటిలో ఈ సదుపాయం లేదు.

మరిన్ని  వైరల్ వీడియోల కోసం ఇక్కడ క్లిక్ చేయండి

Also Watch:

నాగచైతన్య ఎఫెక్ట్.. దెబ్బకు దిగివచ్చిన వేణు స్వామి.. | వేణు స్వామిపై కేస్ పెడతాం