Telangana: బాహుబలి దున్నపోతుల మధ్య యుద్ధం.. చూసేందుకు ఊరంతా సిద్దం.. వీడియో వైరల్

తెలంగాణ రాష్ట్ర జంతువు అడవి దున్నలకు కవ్వాల్ అభయారణ్యం కేరాఫ్ అడ్రస్. దట్టమైన అభయారణ్యంలో స్వేచ్చగా తిరుగుతూ అప్పుడప్పుడు పర్యాటకులను, అటవి సమీప గ్రామాల ప్రజలకు తారసపడుతుంటాయి. ఈ సారి మాత్రం భీకర పోరుకు కాలు దువ్వి స్థానికుల కంట పడ్డాయి. నిర్మల్ జిల్లా కడెం మండలం కవ్వాల్ అభయారణ్యం లోని గంగాపూర్ సమీపంలో ఓ రెండు అడవి దున్నలు పోట్లాడుతూ స్థానికులకు కనిపించాయి. బాహుబలి దున్నలుగా పిలిచే కవ్వాల్ అడవి దున్నలు ఒకదానితో ఒకటి హోరాహోరీగా తలపడ్డాయి‌. ఈ దృశ్యాలను గంగాపూర్ కు చెందిన గ్రామస్తులు తమ సెల్ ఫోన్లలలో రికార్డ్ చేశారు. అడవి దున్నల మధ్య సాగిన భీకర పోరు ఆకట్టుకుంది‌.