విందులో మందు లేదని కుటుంబాన్ని వెలేసిన గ్రామస్తులు వీడియో

అక్కడ సంతాల్ తెగకు చెందిన 67 ఏళ్ల రామ్ సోరెన్ మార్చి 27న మరణించాడు. ఒక నెల తర్వాత, అతని కుమారుడు సంగ్రామ్ సోరెన్ సంప్రదాయం ప్రకారం విందు ఏర్పాటు చేశాడు. కానీ అతను అందులో హండియా ఏర్పాటు చేయలేదు. తన తండ్రి మద్యపాన వ్యసనం కారణంగా మరణించాడని, కాబట్టి అతను తన విందులో హండియా పోయలేదని సంగ్రామ్ చెబుతున్నాడు. అయితే గ్రామస్థులు మాత్రం అతని నిర్ణయాన్ని తప్పుబట్టారు. హండియా పోయలేదనే కారణంగానే గ్రామస్తులు సంగ్రామ్, అతని భార్య లచ్చా, ముగ్గురు పిల్లలను సామాజికంగా బహిష్కరించారు. ఆ కుటుంబం గ్రామంలోని చెరువులో నుంచి గానీ, బావిలో నుంచి గానీ తాగు నీరు తీసుకోవడానికి అనుమతి లేదు. ఆ కుటుంబానికి దుకాణదారులు వస్తువులు విక్రయించకూడదని ఆదేశించారు. గ్రామస్తులు తమతో మాట్లాడరని లేదా ఎటువంటి పని ఇవ్వడం లేదని లచ్చా ఆవేదన వ్యక్తం చేశారు. బాధితులు పోలీసులకు ఫిర్యాదు చేయడంతో గ్రామస్తులకు కౌన్సిలింగ్‌ ఇచ్చారు. సామాజికంగా బహిష్కరించడం నేరమని వివరించారు. పరస్పర చర్చల ద్వారా ఈ విషయాన్ని పరిష్కరించుకోవాలని పోలీసులు సూచించారు. లేదంటే చట్టపరమైన చర్యలు తీసుకుంటామని పోలీసులు హెచ్చరించారు. ఆసక్తికరంగా శాంతల్ కమ్యూనిటీకి చెందిన ఒక పూజారి కూడా ఈ విందులో హండియా వడ్డించడం మతపరమైన బలవంతం కాదని, కానీ అది కుటుంబం కోరిక, ఆర్థిక స్థితిపై ఆధారపడి ఉంటుందని అంగీకరించారు. హండియాను ఒడిశా, జార్ఖండ్, బెంగాల్ గిరిజన సమాజంలో సాంప్రదాయ పానీయంగా పిలుస్తారు.

మరిన్నివీడియోల కోసం :

ఎప్పుడో తండ్రి చేసిన పనికి.. కొడుకు పంట పండింది వీడియో

రన్నింగ్ ట్రైన్‌లో సెల్పీ తీసుకుంటున్న యువకుడు…అంతలో వీడియో

కొత్త జంటకు ప్రధాని నుంచి ఊహించని కానుక వీడియో