టేకాఫ్కి సిద్ధంగా ఉన్న విమానంలో పొగలు.. వీడియో
Updated on: Apr 04, 2025 | 8:51 PM
ఈ మధ్య విమానాల్లో తరచూ విచిత్ర సంఘటనలు చోటుచేసుకుంటున్నాయి. గాల్లో ఎగిరే ఈ విమానాల్లో ఎలాంటి అవాంఛనీయ ఘటనలు జరగుకుండా జాగ్రత్తలు తీసుకుంటారు విమాన సిబ్బంది. ప్రయాణికులకు ఎలాంటి అసౌకర్యం కలగకుండా ఏర్పాట్లు చేస్తారు. అలాంటిది ప్రయాణికులే ఒక్కోసారి తోటి ప్రయాణికుల భద్రతకు, సౌకర్యానికి విఘాతం కలిగించేలా ప్రవర్తిస్తుంటారు. తాజాగా సూరత్ నుంచి బయలుదేరిన ఓ విమానంలో అలాంటి ఘటనే జరిగింది.
సూరత్ నుంచి కోల్కతా వెళుతున్న విమానంలో ఓ ప్రయాణికుడు విమానంలో బీడీ తాగుతూ సిబ్బందికి పట్టుబడ్డాడు. మార్చి 27 సాయంత్రం ఈ ఘటన జరిగింది. సూరత్ నుంచి కోల్కతా వెళ్లాల్సిన విమానంలో సాంకేతిక సమస్యలు తలెత్తడంతో టేకాఫ్ ఆలస్యమైంది. దాంతో ప్రయాణికులు ఫ్లైట్లోనే వెయిట్ చేస్తున్నారు. ఈ క్రమంలో విమానం వాష్రూమ్ నుంచి పొగ, వాసన రావడాన్ని గమనించిన సిబ్బంది ఎయిర్పోర్ట్ అధికారులకు సమాచారం ఇచ్చారు. అధికారులు వెంటనే తనిఖీ చేయగా.. బెంగాల్కు చెందిన అశోక్ బిశ్వాస్ అనే వ్యక్తి బ్యాగ్లో బీడీలు, అగ్గిపెట్టె దొరికాయి. అతడే వాష్రూమ్లో బీడీ తాగినట్లు నిర్ధారించుకున్న అధికారులు బిశ్వాస్ను విమానం నుంచి దింపేయడంతో పాటు పోలీసులకు అప్పగించారు. సెక్యూరిటీ అధికారుల కళ్లుగప్పి నిషేధిత వస్తువులను విమానంలోకి ఎలా తీసుకెళ్లాడన్న విషయంపై అధికారులు దర్యాప్తు చేపట్టారు. విమాన సిబ్బంది ఫిర్యాదు మేరకు అతనిపై కేసు నమోదు చేసిన పోలీసులు దర్యాప్తు చేస్తున్నారు.
మరిన్ని వీడియోల కోసం :
పాక్ జైలులో భారత మత్స్యకారుడు ఆ*త్మ*హత్య వీడియో
అమెజాన్కు బిఐఎస్ షాక్.. వేర్హౌస్పై దాడులు వీడియో
ఆయుష్షు ఉన్నంత వరకే.. బిష్ణోయ్ హత్య బెదిరింపులపై సల్మాన్ వీడియో
కొబ్బరిచెట్టుపై కాయలు కోస్తున్న కోతి.. నెట్టింట వీడియో వైరల్
కొవిడ్ తరహా స్క్రీనింగ్.. ఆ ఎయిర్పోర్టుల్లో మళ్ళీ మొదలు
పనిచేస్తున్న ఇంట్లోనే చోరీ.. రూ.18 కోట్ల బంగారం దోచుకెళ్లారు
పోలీసులమంటూ బంగారం దోపిడి.. పాలమూరులో నయా ముఠా
ఏనుగు పిల్లకు పుట్టినరోజు వేడుక.. అదరగొట్టారుగా
రైల్వే స్టేషన్లో గుండె పగిలే ఘటన..
ఓర్నీ.. మటన్ బొక్క ఎంతపని చేసిందీ
