కల్కి సినిమాలో మ్యాజిక్ చేసిన ఆలయం ఇదే.. నిజంగానే ఉంది

వందల ఏళ్ల చరిత్ర, ప్రకృతి వైపరీత్యాల కారణంగా కాలగర్భంలో కలిసిపోయిన ఒక అద్భుత ఆధ్యాత్మిక సంపద మళ్ళీ ప్రాణం పోసుకుంటోంది. నెల్లూరు జిల్లా చేజర్ల మండలం పెరుమాళ్లపాడులో ఇసుక మేటల నుండి బయటపడిన నాగేశ్వర స్వామి ఆలయం ఇప్పుడు సోషల్ మీడియాలో, ఆధ్యాత్మిక వర్గాల్లో హాట్ టాపిక్‌గా మారింది. ప్రభాస్ నటించిన ‘కల్కి’ సినిమాలోని కొన్ని కీలక సన్నివేశాలను ఇక్కడ చిత్రీకరించడంతో ఈ ఆలయానికి ప్రపంచవ్యాప్త గుర్తింపు లభించింది. స్థానిక కథనాల ప్రకారం ఈ ఆలయాన్ని పరశురాముడు ప్రతిష్టించాడని అంటారు, అయితే పురావస్తు ఆధారాల ప్రకారం ఇది 19వ శతాబ్దానికి చెందినది. 2020 కరోనా లాక్ డౌన్ సమయంలో గ్రామ యువకుల కృషితో ఇసుక దిబ్బల నుండి ఈ ఆలయం బయటపడింది. ఆ తర్వాత వచ్చిన వరదలకు మళ్ళీ పూడుకుపోయినప్పటికీ, గ్రామస్థులు పట్టువదలక పోరాడారు. దేవాదాయ శాఖ మంత్రి ఆనం రామనారాయణ రెడ్డి చొరవతో ఈ పురాతన ఆలయానికి పూర్వ వైభవం రానుంది. పాత ఆలయ నమూనా దెబ్బతినకుండా, ఎత్తైన ప్రాంతంలో అదే శైలిలో నూతన ఆలయాన్ని నిర్మించేందుకు పనులు ప్రారంభమయ్యాయి. ప్రస్తుతం ఆలయాన్ని పూర్తిగా వెలికితీయడంతో ఆ ప్రాంతంలో మళ్ళీ సందడి నెలకొంది. ఏళ్ల తరబడి పూజలు లేని ఈ క్షేత్రం, త్వరలోనే భక్తుల హరహర మహాదేవ నామస్మరణతో మారుమోగనుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

రోగి గొంతులో బ్రతికున్న జలగ.. కట్ చేస్తే చేస్తే ఖేల్ ఖతం.. దుకాన్ బంద్

Chandrahas: చంద్రహాస్ మరీ ఇంత వల్గరా ?? స్టేజ్ మీద ఆ బూతు పాట ఏంటి ?? నెటిజన్ల ఫైర్

ఉద్యోగులకు గుడ్‌న్యూస్‌.. రూ.720 కోట్ల బకాయిలు విడుదల చేసిన ప్రభుత్వం

శ్రీలంక టూర్ పేరుతో మోసం.. లంకలో కడప టూరిస్టుల విలవిల

పదవి కోసం కన్నబిడ్డను.. ఎంతపని చేశావురా