Viral Video: పెళ్లింట్లో పేలిన హోం థియేటర్‌ కేసులో బిగ్‌ ట్విస్ట్‌.. వధువు మాజీ బాయ్ ఫ్రెండ్ కుట్ర..

పెళ్లి కానుకలు తెరిచి చూస్తుండగా పేలుడు జరిగి ఛత్తీస్ గఢ్ లో కొత్త పెళ్లి కొడుకు చనిపోయిన కేసులో బిగ్‌ ట్విస్ట్‌ వెలుగు చూసింది. చమరి గ్రామంలో జరిగిన ఘటనలో పెళ్లికొడుకు సహా అతని సోదరుడు మృత్యువాత పడ్డారు. గిఫ్ట్ లో బాంబు అమర్చి ఉంటారని అనుమానించి దర్యాఫ్తు చేసిన పోలీసులకు సంచలన విషయం తెలిసింది. పెళ్లికూతురుపై కోపంతో ఆమె మాజీ బాయ్ ఫ్రెండ్ ఈ దారుణానికి తెగబడ్డాడని తేలింది. దీంతో నిందితుడిని అరెస్టు చేసి జైలుకు తరలించినట్లు పోలీసులు తెలిపారు. చమరి గ్రామానికి చెందిన హేమేంద్రకు మార్చి 31న వివాహం జరిగింది. హడావుడి తగ్గిన తర్వాత ఏప్రిల్ 2న పెళ్లికి వచ్చిన కానుకలను హేమేంద్ర కుటుంబ సభ్యులతో కలిసి చూస్తున్నాడు. గిఫ్ట్ రేపర్ లు తొలగించి ఒక్కొక్కటిగా బయటపెడుతున్నాడు. గిఫ్ట్ గా వచ్చిన ఓ హోం థియేటర్ ను బయటకు తీసి విద్యుత్ కనెక్షన్ ఇవ్వగానే అది పేలిపోయింది. పేలుడు ధాటికి గది మొత్తం ధ్వంసమైంది. హేమేంద్ర అక్కడికక్కడే చనిపోగా.. ఆసుపత్రికి తరలిస్తుండగా సోదరుడు రాజ్ కుమార్ చనిపోయాడు. అక్కడికి చేరుకున్న పోలీసులకు ఘటనా స్థలంలో గన్ పౌడర్ ఆనవాళ్లు కనిపించాయి. హోంథియేటర్ లో బాంబును అమర్చి ఉంటారని అనుమానించిన పోలీసులు.. ఆ గిఫ్ట్ ఎవరిచ్చారనేది ఆరా తీశారు. గిఫ్ట్ ఇచ్చిన సర్జు అనే యువకుడిని అదుపులోకి తీసుకుని ప్రశ్నించగా.. అసలు విషయం బయటపడింది. సర్జు.. పెళ్లికూతురుకు మాజీ బాయ్ ఫ్రెండ్. తనను కాదని హేమేంద్రను పెళ్లి చేసుకుందనే కక్షతో హోంథియేటర్ లో బాంబు పెట్టి గిఫ్ట్ గా ఇచ్చాడు. దీంతో పోలీసులు సర్జును అరెస్టు చేసారు.

మరిన్ని వీడియోస్ కోసం:
Videos

Lati Charge on Allu Arjun Fans: అర్థరాత్రి పోలీసోళ్లకు చుక్కలే..! ఏమాత్రం తగ్గని బన్నీ ఫ్యాన్స్..

Allu Arjun Vibrant Look: ఉగ్రగంగమ్మగా పుష్పరాజ్‌.. సీన్ దద్దరిల్లాలే.. నెట్టింట ఊచకోత కోస్తున్న బన్నీ వీడియో..

Pushpa-2 Video: పుష్ప అడుగుపడితే.. పులి కూడా కుక్క అయిపోవాలే..! సోషల్ మీడియాను రఫ్పాడిస్తున్న పుష్ప..