అలసిపోయి చెట్టు కింద కూర్చొన్న సింహం.. తర్వాత ఏం జరిగిందంటే వీడియో

సఫారీ ఏరియా అనుకుంటా అక్కడక్కడ చెట్లుండి మిగతా ప్రాంతమంతా ఖాళీగా గడ్డితో ఉంది. పైన ఎండ మండిపోతోంది. ఇంతలో ఒక సింహం అక్కడికి వచ్చింది. ఎండ తీవ్రతకు అది బాగా అలసిపోయినట్లుంది. ఆ చెట్టు నీడన సేద తీరేందుకు వెళ్లింది. అక్కడ నిలిచి సేద తీర్చుకున్నాక కాసేపు పడుకుందామని నిద్రకు ఉపక్రమించింది. ఇంతలో ఆ చెట్టు పైనుంచి ఏదో దొబ్బున పడింది. ఒక్కసారిగా సింహం ఉలికిపడి లేచింది. ఏదైనా జంతువు తనపై అటాక్ చేసేందుకు వస్తుందా అన్నట్లుగా చుట్టూ పరికి చూసింది. కానీ చూపు మేరలో ఏదీ కనిపించలేదు. అనుమానం తీరక చెట్టు పైకి చూసింది. అక్కడ ఏమీ కనిపించలేదు. మెల్లగా లేచి చెట్టు పైనుంచి పడిందేమిటో చూద్దామని అక్కడికి వెళ్లింది సింహం. దగ్గరికి వెళ్లి చూడగా అదొక జింక కళేబరం. అయినా దానిని సింహం తినలేదు. అయినా వేరే జంతువు వేటాడిన ఆహారాన్ని సింహం తినదనుకోండి. సింహం వేటాడితే మామూలుగా ఉండదు. అందులోనూ అడవికి రాజు కదా. ఎంత పెద్ద జంతువైనా ఆవలీలగా వేటాడేయగలదు. అలాగే దాని కడుపు నిండిందంటే తన పక్కనుంచి వెళుతున్న ఎవరినీ ఏమీ చెయ్యదు సింహం.