వీళ్ల తెలివికి హ్యాట్సాఫ్.. నీళ్లలో కొట్టుకుపోతున్న వ్యక్తిని కాపాడిన యువకులు

 జలపాతం అందాలను చూసేందుకు హైదరాబాద్ నుంచి వచ్చిన ఒక పర్యాటకుడు అందరిలాగే జలపాతం కింద నిలబడి పైనుంచి పడుతున్న నీటికింద కేరింతలు కొడుతున్నాడు. అంతలోనే ఊహించని రీతిలో కాళ్లు జారి దిగువకు జారిపోయి నీటి ప్రవాహంలో కొట్టుకుపోయాడు. ఈ క్రమంలో వందల అడుగుల లోతున ఉన్న గుంట అంచున చిక్కుకున్నాడు. దీంతో బాధితుడిని గమనించిన తోటి పర్యాటకులు వెంటనే రంగంలోకి దిగారు. తమ స్కార్ఫ్‌లు, చున్నీలు, శాలువాలను తాడులా తయారుచేసి జలపాతపు ప్రవాహంలోకి విసిరారు. దీంతో దిగువన ఉన్న ఆ యువకుడు దానిని పట్టుకొని నెమ్మదిగా పైకి వచ్చాడు. అయితే బండ రాళ్లలో అతని కాళ్లు ఇరుక్కుపోయి బయటకు రాలేక కాసేపు అతడు ఇబ్బంది పడ్డాడని తోటి పర్యాటకులు తెలిపారు.