Video Viral: అంగవైకల్యం ఉంటేనేం.. ఆత్మవిశ్వాసం ఉందిగా..

ఉన్నత చదువులు చదవి ఉద్యోగం దొరకకపోతే కొందరు నిరాశకు గురవుతారు. కొన్ని సార్లు ఆత్మహత్యలకూ పాల్పడుతుంటారు. అలాంటివారికి ఈ వీడియో ఒక ఇన్స్పిరేషన్‌. ఈ వీడియోలో ఒక వ్యక్తి నూడుల్స్‌ అమ్ముకుంటూ...

Noodles Video Viral

Ganesh Mudavath |
Updated on: Apr 17, 2022 | 1:01 PM

ఉన్నత చదువులు చదవి ఉద్యోగం దొరకకపోతే కొందరు నిరాశకు గురవుతారు. కొన్ని సార్లు ఆత్మహత్యలకూ పాల్పడుతుంటారు. అలాంటివారికి ఈ వీడియో ఒక ఇన్స్పిరేషన్‌. ఈ వీడియోలో ఒక వ్యక్తి నూడుల్స్‌ అమ్ముకుంటూ జీవనం సాగిస్తున్నాడు. అందులో విశేషమేముంది అనుకుంటే పొరబాటే.. సరిగ్గా గమనించండి. అతనికి రెండు చేతులూ అంగవైకల్యంతో ఉన్నాయి. ఇలాంటి వారు ఎందరో నిస్సహాయంగా ఇతరులపై ఆధారపడుతున్నారు. కానీ ఇక్కడ స్ట్రీట్ ఫుడ్ అమ్ముకునే ఈ వ్యక్తి మాత్రం తన ఆత్మవిశ్వాసంతో అంగవైకల్యాన్ని అధిగమించి అందరికీ ఆదర్శంగా నిలుస్తున్నాడు. ఇతనికి చిన్నప్పుడే రెండు చేతులు స‌రిగా ఎదగలేదు. అయినా బతుకుదెరువు కోసం ఉన్న ఆ పొట్టి చేతుల‌తో గరిటప‌ట్టి నూడుల్స్ త‌యారుచేస్తున్నాడు. నూడుల్స్‌ను క‌ల‌ప‌డం, సాస్ వేయ‌డంలాంటి ప‌నులు చేస్తున్న వీడియో నెటిజన్లను కదిలిస్తోంది. అత‌డి అంకిత‌భావానికి హ్యాట్సాఫ్ చేస్తున్నారు. ఈ వీడియోను రాహుల్ మిశ్రా ట్విట‌ర్‌లో పోస్ట్ చేశారు. అంతేకాదు.. ‘ఈ వీడియోను షేర్‌చేసి, మిగ‌తావారిలో స్ఫూర్తినింపండి.. ఇందుకు ఎలాంటి ఖ‌ర్చు చేయాల్సిన ప‌నిలేదు.. జ‌స్ట్ రీట్వీట్ చేయండి’ అంటూ వీడియోకు ట్యాగ్‌లైన్ ఇచ్చారు.