OTT Platforms: అశ్లీల కంటెంట్‌ ఉన్న 18 OTTలు , 57 సోషల్ మీడియా ఖాతాలు బ్లాక్‌.!

కేంద్ర సమాచార, ప్రసార మంత్రిత్వ శాఖ సంచలన నిర్ణయం తీసుకుంది. అశ్లీలమైన, అసభ్యకరమైన కంటెంట్‌ ను ప్రచురించే 18 ఓటీటీ ప్లాట్‌ఫారమ్‌లను బ్లాక్‌ చేసింది. దేశంలో పబ్లిక్ యాక్సెస్‌ ఉన్న 19 వెబ్‌సైట్‌లు, 10 యాప్‌లు, ఈ ప్లాట్‌ఫామ్స్‌కు అనుసంధానంగా ఉన్న 57 సోషల్ మీడియా ఖాతాలు నిలిపివేసింది. తాజాగా గురువారం ఓ ప్రకటన విడుదల చేసింది. సదరు ఓటీటీ ప్లాట్‌ఫామ్స్‌కు కేంద్రం ఇప్పటికే పలుమార్లు హెచ్చరికలు జారీ చేసింది. అశ్లీల కంటెంట్‌ని వెంటనే తొలగించాలని ఆదేశించింది. అయితే, కేంద్రం హెచ్చరికలను ఆ ప్లాట్‌ఫామ్స్‌ పట్టించుకోలేదు. దీంతో కేంద్ర మంత్రి అనురాగ్‌ ఠాకూర్‌ ఆదేశాల మేరకు వాటిపై వేటు వేసినట్లు మంత్రిత్వ శాఖ తన ప్రకటనలో తెలిపింది. ముఖ్యంగా 10 యాప్స్‌ని వెంటనే బ్లాక్ చేయాలని ఆదేశించింది. ఇందులో గూగుల్‌ ప్లే స్టోర్‌లో 7 ఆప్స్, యాప్‌స్టోర్‌లో మూడు ఆప్స్‌ ఉన్నాయి.

కేంద్రం నిషేధం విధించిన ఓటీటీ ప్లాట్‌ఫామ్స్‌లో డ్రీమ్స్‌ ఫిల్మ్స్‌, అన్‌కట్‌ అడ్డా, వూవీ, యేస్మా, ట్రై ఫ్లిక్స్‌, ఎక్స్‌ ప్రైమ్‌, నియోన్‌ ఎక్స్‌ వీఐపీ, బేషరమ్స్‌, హంటర్స్‌ తదితర ఓటీటీలు ఉన్నాయి. ఈ ప్లాట్‌ఫామ్స్‌లో న్యూడ్‌ కంటెంట్‌ ఎక్కువగా ఉందని కేంద్రం పేర్కొంది. Technology Act, 2000లోని నిబంధనల ప్రకారం ఇది నేరంగా పరిగణించి చర్యలు తీసుకున్నట్లు మంత్రిత్వ శాఖ వెల్లడించింది.

మరిన్ని వీడియోస్ కోసం:
Videos

రాధమ్మ మదిలో కృష్ణయ్య.. చూడముచ్చటైన జంట గా తారక రామ , ప్రణతి.

ఆ విషయంలో ఇప్పటికీ వరుణ్ తేజ్ పై కోపమే ఉంది.! చిరు కామెంట్స్.

‘నా భర్త VDలా ఉండాలి.!’ నో కన్ఫూజన్‌ తెలిసిన కాంబినేషనేగా..