కాలిన శరీరం..అయినా కొడుకు పుస్తకాలను చదివి… లా కాలేజ్‌లో సీటు పొంది వీడియో

లా గ్రాడ్యుయేట్ స్కూల్ లో చేరిన ఆమె తన జీవితంలో ఇది ఒక కొత్త ప్రయాణమని ఆనందం వ్యక్తం చేశారు. కెమిస్ట్రీలో పట్టా పొందిన యాంగ్ కు మాస్టర్స్ డిగ్రీ చేయాలనేది 20 ఏళ్ల కల. అయితే 2013లో జరిగిన అగ్ని ప్రమాదం ఆమె జీవితాన్ని తలకిందులు చేసింది. ఈ ప్రమాదంలో ఆమె ముఖం, చేతులు తీవ్రంగా కాలిపోయాయి. ఎడమ చెయ్యి పూర్తిగా పనిచేయకుండా పోగా కుడి చెయ్యి సగం మాత్రమే పనిచేస్తుంది. అప్పటి నుంచి ఆమె మాస్క్ ధరించి బయటికి వస్తున్నారు. ఈ ఘటన తర్వాత తీవ్రమైన డిప్రెషన్, మానసిక ఒత్తిడికి గురై ఉద్యోగానికి కూడా దూరమయ్యారు. రెండేళ్ల క్రితం తన కొడుకుకు ఇదే ప్రవేశ పరీక్షలో విఫలం అవడంతో అతడు వదిలేసిన పుస్తకాలను ఆమె చదవడం ప్రారంభించారు. ఆ పుస్తకాలలోని అంశాలు తనకు అర్థమవుతున్నాయని గ్రహించి పరీక్షకు సిద్ధమయ్యారు. ఒకప్పుడు పరీక్షల సమయంలో తాను తన కొడుకును జాగ్రత్తగా చూసుకుంటే ఇప్పుడు పరీక్ష సమయంలోనే తనను వాడు జాగ్రత్తగా చూసుకున్నాడని ఈ పాత్రలు మార్పుతో తనకు ఎంతో సంతోషాన్ని ఇచ్చిందని యాంగ్ తెలిపారు. పరీక్ష హాల్ లోని తనను మాస్క్ తీయమని అడిగినప్పుడు కొందరు విద్యార్థులు తన ముఖం పై మచ్చలు చూసి ఆశ్చర్యపోయారని, కానీ అలాంటి స్పందనలు తనకు అలవాటేనని ఆమె అన్నారు. చాలామందికి రిటైర్మెంట్ అంటే డాన్సులు చేయడం, ప్రయాణాలు చేయడం. కానీ తనకు మాత్రం చదువుకోవడమే రిటైర్మెంట్ జీవితమని యాంగ్ అన్నారు. ఆమె ధైర్యాన్ని, పట్టుదలను సోషల్ మీడియాలో నెటిజన్లు ప్రశంసలతో ముంచెత్తుతున్నారు. జీవితంలో ఏదో దశలో ఉన్నా మీ కలలను ఎప్పటికీ వదులుకోవద్దని ఆమెకు సందేశం ఇచ్చారు.

మరిన్ని వీడియోల కోసం :

ఇరగదీసిన అమ్మాయిలు..కుర్చీ మడతబెట్టి పాటకు అదిరిపోయే స్టెప్స్ వీడియో

పండగ స్పెషల్.. అమెజాన్ Vs ఫ్లిప్‌కార్ట్‌‌లో కళ్లు చెదిరే ఆఫర్స్.. వీడియో

ఈ ఐఏఎస్‌ల పెళ్లి ఖర్చు.. కేవలం రెండు వేలే వీడియో

బ్లడ్‌ టెస్ట్‌ రిపోర్ట్‌లోని కీలకాంశాలు మీకు తెలుసా? వీడియో