Uber: భారత్‌లోకి ఉబర్‌ బస్సులు ఎంట్రీ.. తాజాగా ఢిల్లీలో ప్రవేశపెడుతున్న ఉబర్‌.

తక్కువ ఖర్చుతో మంచి ప్రయాణ అనుభూతిని అందించేందుకు ఉబర్‌ ఈ సేవలను ప్రారంభిస్తోంది. ఇప్పటికే పలు దేశాల్లో ఈ సేవలు అందుబాటులో ఉండగా తాజాగా భారత్‌లో కూడా ఈ సేవలను ప్రారంభించేందుకు సన్నాహాలు చేస్తోంది. దేశ రాజధాని ఢిల్లీలో తొలుత ఈ సేవలను ప్రారంభించనున్నారు. ఢిల్లీ ప్రీమియం స్కీమ్‌ కింద ఇకపై బస్సులను అందుబాటులోకి తీసుకురానున్నారు. ఇందులో భాగంగా ఇప్పటికే ఢిల్లీ రవాణా మంత్రిత్వ శాఖ నుంచి తాజాగా లైసెన్స్‌ పొందింది ఉబర్‌. దేశంలో ఈ తరహా లైసెన్స్‌ జారీ చేసిన తొలి రవాణా శాఖగా ఢిల్లీ, అలాగే దీనిని అందుకున్న తొలి అగ్రిగేటర్‌గా ఉబర్‌ నిలిచింది. ఏడాది పాటు ఢిల్లీ-ఎన్‌సీఆర్‌తో పాటు, కోల్‌కతాలోనూ ప్రయోగాత్మకంగా ఈ సేవలు అందుబాటులో ఉంటాయని ఉబర్‌ షటిల్‌ ఇండియా హెడ్‌ అమిత్‌ దేశ్‌పాండే చెప్పారు. ఢిల్లీలో బస్సులకు విపరీతమైన డిమాండ్‌ ఉన్నట్లు గమనించామని, ఇప్పుడు అధికారికంగా తమ సేవలను ఢిల్లీలో ప్రారంభించబోతున్నామని ఆయన చెప్పుకొచ్చారు. ఇక ఈ బస్సు సర్వీసును ప్రయాణికులు వారం రోజుల ముందు నుంచే బుక్‌ చేసుకునే అవకాశం కల్పించనున్నారు. పూర్తి టెక్నాలజీ సహాయంతో ఈ బస్సు సర్వీసులను నడిపిస్తారు. బస్సు రాబోయే సమయం, బస్సు లైవ్‌ లొకేషన్‌, బస్సు రూట్లను ఎప్పటికప్పుడు ఉబర్‌ యాప్‌లో తెలుసుకునే అవకాశం కల్పించారు. ఒక్కో సర్వీసులో 19 నుంచి 50మంది ప్రయాణించడడానికి వీలుంటుంది.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.