Revanth Reddy: టీడీపీ వల్లే నాకు కాంగ్రెస్‌లో ప్రాధాన్యత.. చంద్రబాబు అరెస్టుపై రేవంత్ రెడ్డి ఏమన్నారంటే..?

టీడీపీ వల్లే రాజకీయంగా ఎదిగా.. టీడీపీ వల్లే తనకు కాంగ్రెస్‌లో ప్రాధాన్యత లభించిందని.. తెలంగాణ కాంగ్రెస్ అధ్యక్షుడు రేవంత్ రెడ్డి సంచలన వ్యాఖ్యలు చేశారు. ప్రస్తుతం తాను కాంగ్రెస్‌ వాదినని.. వేరే పార్టీలతో సంబంధం లేదంటూ క్లారిటీ ఇచ్చారు. తెలంగాణ ఎన్నికల నేపథ్యంలో.. టీవీ9 కాన్‌క్లేవ్‌లో పాల్గొన్న రేవంత్‌ రెడ్డి తన మనసులోని మాటలను పంచుకున్నారు. టీడీపీతోనే గుర్తింపు లభించిందని.. కానీ.. కాంగ్రెస్ లో చేరిన తర్వాత తాను కాంగ్రెస్ వాదినని స్పష్టంచేశారు.

అవసరమైతే.. ఏపీ రాజకీయాల్లో కాంగ్రెస్‌ తరపున ప్రచారం చేస్తానని రేవంత్ రెడ్డి తెలిపారు. తనకు నెగిటివ్‌ అనే ఆలోచనేలేదని.. తాను ప్రోయాక్టివ్‌ అన్నారు. ఎన్నికలకు ముందే బీజేపీ, బీఆర్‌ఎస్ మధ్య ఒప్పందం కుదిరిందన్నారు. కేసీఆర్‌కు మోదీనే బిగ్‌బాస్‌.. కేసీఆర్‌ పూర్తిగా బీజేపీ చేతుల్లో ఉన్నారన్నారు. బీజేపీ బిల్లులకు బీఆర్‌ఎస్ మద్దతిచ్చిందంటూ పేర్కొన్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..