ప్రధాని వాచ్‌లో రూపాయి కాయిన్‌..! దాని ప్రత్యేకతలు ఇవే

ఇటీవల బిహార్ అసెంబ్లీ ఎన్నికల ప్రచారంలో మోదీ విస్తృతంగా పాల్గొన్నారు. అనేక రోడ్ షోలు, బహిరంగ సభలు, ర్యాలీలు నిర్వహించారు. ఈ సందర్భంగా ఆయన ధరించిన వాచ్ అందరి దృష్టిని ఆకర్షించింది. జైపూర్ వాచ్ కంపెనీ తయారు చేసిన ఈ టైమ్‌పీస్ పేరు ‘రోమన్ బాగ్’. అయితే ఇది కేవలం ఒక వాచ్ మాత్రమే కాకుండా.. భారతీయ కళాత్మకత, వారసత్వం, మేక్ ఇన్ ఇండియా స్ఫూర్తికి నిదర్శనంగా నిలుస్తోంది. ఆ వాచ్‌ ఇప్పుడు నెట్టింట వైరల్ గా మారింది. ఈ రోమన్ బాగ్ వాచ్‌ను ప్రత్యేకంగా నిలబెట్టేది దాని డయల్. ఈ వాచ్‌ మధ్యలో 1947 నాటి అసలు ఒక రూపాయి నాణెం ఉంటుంది. ఈ నాణెంపై భారతదేశపు ప్రత్యేక చిహ్నం అయిన నడుస్తున్న పులి బొమ్మ కూడా ముద్రించబడి ఉంది. ఈ వాచ్‌ మధ్యలో ఉన్న నాణెంపై ఉన్న 1947 సంవత్సరం భారతదేశం స్వాతంత్ర్యం పొందిన సంవత్సరాన్ని సూచిస్తుంది. ఇది భారతదేశం తనదైన గుర్తింపును పెంచుకుంటూ.. స్వయం సమృద్ధి దిశగా వేసిన శక్తివంతమైన అడుగుకు ప్రతీకగా నిలుస్తుంది. ఈ డిజైన్.. ప్రధాని మోదీ బలంగా సమర్థించే మేక్ ఇన్ ఇండియా నినాదానికి బలమైన మద్దతుగా కనిపిస్తుంది. ఈ రోమన్ బాగ్ వాచ్ ‌ను మన్నికైన 316ఎల్ స్టెయిన్‌లెస్ స్టీల్‌తో తయారు చేసిన 43 మిల్లీమీటర్ల కేస్‌ను కలిగి ఉంది. అలాగే దీనికి ఎలాంటి గీతలు పడకుండా ఉండేందుకు ముందు, వెనుక భాగాల్లో నీలమణి క్రిస్టల్స్‌ను ఉపయోగించింది కంపెనీ. ఈ వాచ్‌ ధర సుమారుగా రూ.60,000 వరకు ఉంటుందని అంచనా.

మరిన్ని వీడియోల కోసం ఇక్కడ క్లిక్ చేయండి

Also Watch:

ఆధార్ కార్డుల అప్డేట్.. డిసెంబర్ 1 నుంచి కొత్త రూల్స్

మరో మోడల్‌ చుట్టూ హర్థిక్ చక్కర్లు.. అదేనంటున్న నెటిజన్లు

Nayanthara: నయనతారకు .. విఘ్నేశ్ అదిరిపోయే గిఫ్ట్..

కసిగా లవర్ దగ్గరకు వెళ్ళాడు.. ప్రేమగా కొరికి చేతిలో పెట్టింది..

అయ్యో కొడుకా.. నా కడుపున ఎందుకు పుట్టావురా !! కన్నీళ్లు పెట్టిస్తున్న వీడియో