ఆమెను చూసి కొత్త డాక్టర్ వచ్చారేమో అనుకున్నారు.. కట్ చేస్తే.. దెబ్బకు అంతా షాక్

గుంటూరు జీజీహెచ్‌లో డాక్టర్ వేషంలో ఓ మహిళ హడావుడి చేసింది. తెల్లకోటు, స్టెతస్కోప్, నకిలీ ఐడీ కార్డుతో పిల్లల వార్డులో తిరిగింది జ్యోతి. ప్రతి రోగి దగ్గరికి వెళ్లి అందుతున్న చికిత్స గురించి ఆరా తీసింది. ఆరోగ్యం ఎలా ఉందంటూ పరామర్శించింది. రోగుల బంధువులు సైతం కొత్త డాక్టర్‌ ఎవరైనా వచ్చారేమో అంటూ అలా చూస్తుండిపోయారు. ఇదంతా చూస్తున్న సిబ్బందికి అనుమానం వచ్చింది. జ్యోతిని నిలదీయడంతో తెల్లముఖం వేసింది. వెంటనే జీజీహెచ్ సూపరింటెండెంట్ పోలీసులకు ఫిర్యాదు చేశారు. రంగంలోకి దిగిన పోలీసులు జ్యోతిని అదుపులోకి తీసుకుని విచారణ జరుపుతున్నారు. పోలీసులకు కూడా జ్యోతి పొంతనలేని సమాధానాలు చెబుతుండటం గమనార్హం.