Sankranthi 2025 Movies: చెర్రీ,వెంకీ,బాలయ్య ఎవరిది ఈ సంక్రాంతి.? అగ్ర తాంబూలం ఆ హీరోకేనా.!

సంక్రాంతి సీజన్ అంటే టాలీవుడ్‌కు కొత్త ఊపిరి. రెండు మూడేళ్ళుగా పండక్కి వచ్చిన సినిమాలు రప్ఫాడించాయి. గతేడాది వాల్తేరు వీరయ్య, వీరసింహారెడ్డి.. మొన్నటి సంక్రాంతి హనుమాన్, గుంటూరు కారం వందల కోట్లు వసూలు చేసాయి. ఈ సారి కూడా ఇదే జరగబోతుంది. 2025 సంక్రాంతి సందడి 2 నెలల ముందుగానే మొదలైపోయింది. పండగ పందెంకోళ్లు సిద్ధమవుతున్నాయి.

సంక్రాంతి పండక్కి బిజినెస్ భారీగానే జరుగుతుంది. ఒక్కోసారి 1000 కోట్లకు పైగానే బిజినెస్ జరుగుతుంది. అంత పొటెన్షియాలిటీ ఉన్న పండగ సంక్రాంతి. అందుకే ఎన్ని సినిమాల్నైనా బరిలోకి దించడానికి నిర్మాతలు సిద్ధంగా ఉంటారు.. హీరోలు కూడా అదే పోటీ వాతావరణంతో బాక్సాఫీస్ దగ్గర పోరుకు పందెంకోళ్లలా సై అంటుంటారు. ఈ సారి కూడా వెంకటేష్, రామ్ చరణ్, బాలయ్య సమరానికి సై అంటున్నారు. సంక్రాంతికి రావాలని ప్రతీ హీరో మనసులో ఉంటుంది. కాకపోతే పరిస్థితులన్నీ అనుకూలించాలి. అది వర్కవుట్ అవ్వకే విశ్వంభర వాయిదా పడింది. మొన్నటి వరకు జనవరి 10న విడుదల అనుకున్నా కూడా.. తనయుడి కోసం తన సినిమాను పోస్ట్ పోన్ చేసుకున్నారు చిరంజీవి. దాంతో గేమ్ ఛేంజర్ అంటూ వస్తున్నారు రామ్ చరణ్.

గతంలో ఎవడు, నాయక్, వినయ విధేయ రామతో సంక్రాంతికే వచ్చారు చరణ్. 2019 తర్వాత ఆరేళ్ళు గ్యాప్ తీసుకుని సంక్రాంతి బరిలో దిగుతున్నారు రామ్ చరణ్. నిజానికి డిసెంబర్‌లోనే గేమ్ ఛేంజర్ విడుదలవుతుందని చెప్పినా.. సంక్రాంతి అయితే బాగుంటుందని డేట్ మార్చేసారు మేకర్స్. శంకర్ తెరకెక్కిస్తున్న ఈ సినిమాపై అంచనాలు భారీగానే ఉన్నాయి. పండక్కి జరిగే బిజినెస్‌లో అగ్ర తాంబూలం గేమ్ ఛేంజర్‌దే. రాజమౌళి తర్వాతి సినిమా ఫ్లాప్ అవుతుందని ఇన్నాళ్ళూ ఓ శాపం ఉండేది. దాన్ని దేవరతో తుడిచేసారు జూనియర్ ఎన్టీఆర్. దేవర బ్లాక్‌బస్టర్ కావడంతో.. రాజమౌళి కర్స్‌కు బ్రేక్ పడింది. ఇప్పుడు రామ్ చరణ్ వంతు. RRR తర్వాత ఆచార్యలో నటించినా.. అందులో చరణ్ చేసింది సపోర్టింగ్ రోల్. కాబట్టి గేమ్ ఛేంజర్‌తో దేవర చేసిన మ్యాజికే చేయాలని చూస్తున్నారు చరణ్.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.