జూలై 26న ఏం జరగనుంది?

ఫిల్మ్ ఫెడరేషన్, డ్యాన్సర్స్ అసోసియేషన్ మధ్య నెలకొన్న వివాదంపై డ్యాన్సర్స్ అసోసియేషన్ ప్రతినిధి సుమలత స్పందించారు. ఫిల్మ్ ఫెడరేషన్ తమ అంతర్గత విషయాల్లో జోక్యం చేసుకోవడం పట్ల ఆమె అభ్యంతరం వ్యక్తం చేశారు. ఫెడరేషన్‌కు జోక్యం చేసుకునే హక్కు ఉన్నప్పటికీ, ప్రతి విషయంలో వారి నిర్ణయమే అంతిమం కాకూడదని సుమలత అన్నారు. డ్యాన్సర్స్ అసోసియేషన్ ఇప్పటికే మూడు జనరల్ బాడీ సమావేశాలు నిర్వహించిందని, మెజారిటీ సభ్యుల నిర్ణయాలను గౌరవించాలని ఆమె నొక్కి చెప్పారు. ఫిల్మ్ ఫెడరేషన్ ప్రకటించిన “సహాయ నిరాకరణ”ను ఆమె సవాల్ చేశారు. తమ బైలా ప్రకారం ఎన్నికలు నిర్వహించడానికి రెండు మార్గాలు ఉన్నాయని – ఒకటి ఫెడరేషన్ ద్వారా, మరొకటి కార్మిక శాఖ ద్వారా – సుమలత వివరించారు. ఫెడరేషన్ సహకరించకపోతే, కార్మిక శాఖ అధికారుల సహకారంతో బై ఎలక్షన్లు నిర్వహిస్తామని ఆమె స్పష్టం చేశారు.