సంక్రాంతి హీరోయిన్స్.. పోటీ పిచ్చెక్కిపోతుంది
Updated on: Dec 11, 2025 | 3:55 PM
ఈ సంక్రాంతి పండుగ సినిమాలపై పలువురు స్టార్ హీరోయిన్స్ తమ ఆశలు పెట్టుకున్నారు. వరుస ఫ్లాపులతో సతమతమవుతున్న నయనతార, నిధి అగర్వాల్ వంటి తారలు ఈ బాక్సాఫీస్ పోరులో విజయం సాధించాలని చూస్తున్నారు. మీనాక్షి చౌదరి, ఆషికా రంగనాథ్, డింపుల్ హయాతీ వంటి వారు కూడా ఒక పెద్ద హిట్ కోసం ఎదురుచూస్తున్నారు. ఈ పండక్కి ఎవరు హిట్ కొట్టి తమ కెరీర్కు ఊపొస్తారో చూడాలి.
సంక్రాంతి అంటేనే సినిమా పండగ.. ఆ సినిమాలతో బాక్సాఫీస్ బద్ధలుకొట్టి ఏడాదంతా గుర్తుండిపోయే విజయం అందుకోవాలని ట్రై చేస్తుంటారు హీరోలు. అలాగే హీరోయిన్స్ కూడా..! కాకపోతే ఈసారి పండక్కి రాబోయే అన్ని సినిమాల్లో హీరోయిన్లకు ఒకే కష్టాలున్నాయి.. అదే ఫ్లాపులు. అందరికీ హిట్టు కావాలి. మరి వాళ్లెవరు..? అందులో ఎంతమందికి హిట్ రాబోతుంది..? సంక్రాంతి సినిమా అంటే అందరి ఫోకస్ హీరోలపై ఉంటుంది కానీ అక్కడ హీరోయిన్స్ మధ్య పోటీ కూడా బాగానే ఉంటుంది. 2026 పండక్కి కూడా అదే జరగబోతుంది. ముఖ్యంగా ఈసారి రాబోయే హీరోయిన్స్ అంతా ఫ్లాప్స్లో ఉన్నారు. సో.. వాళ్లందరికీ హిట్ కీలకం. అందులో అందరికంటే ముందే చెప్పుకోవాల్సింది నయనతార గురించే..! గత కొన్నేళ్లలో నయనతారకు తెలుగులో హిట్టే లేదు. సైరా, ఆరడుగుల బుల్లెట్, గాడ్ ఫాదర్.. ఇవేవీ అంచనాలు అందుకోలేదు. దాంతో ఈమె ఆశలన్నీ ఇప్పుడు మన శంకరవరప్రసాద్ గారూపైనే ఉన్నాయి. మరోవైపు మీనాక్షి చౌదరి ఫ్లాపుల్లో లేకపోయినా.. సంక్రాంతికి వస్తున్నాం తర్వాత మరో సినిమా రాలేదు. మళ్లీ పొంగల్కే అనగనగా ఒకరాజుతో వస్తున్నారు ఈ బ్యూటీ. పండక్కి పక్కా హిట్టు కొట్టాల్సిన లిస్టులో ఉన్న నెక్ట్స్ హీరోయిన్ నిధి అగర్వాల్. ఇస్మార్ట్ శంకర్ తర్వాత ఈమె నటించిన ఏ సినిమా కూడా ఆడలేదు. ఎన్నో ఆశలు పెట్టుకున్న హరిహర వీరమల్లు సైతం నిరాశ పరిచింది. రాజా సాబ్లో ప్రభాస్తో జోడీ కట్టారు ఈ బ్యూటీ. దీనిపైనే నిధి ఆశలన్నీ ఉన్నాయి. ఇదే సినిమాతో మాళవిక మోహనన్ సైతం తెలుగులో హిట్ కొట్టాలని చూస్తున్నారు. ఇక ఆషికా రంగనాథ్, డింపుల్ హయాతీ సైతం సంక్రాంతిపైనే ఆశలు పెట్టుకున్నారు. నా సామిరంగాతో మంచి హిట్ కొట్టిన ఆషికా.. ఆ తర్వాత మళ్లీ కనబడలేదు. ప్రస్తుతం రవితేజతో భర్త మహాశయులకు విజ్ఞప్తి సినిమాలో నటిస్తున్నారు ఈ బ్యూటీ. ఇక డింపుల్ సైతం ఫస్ట్ హిట్ కోసం ఆశగా ఎదురు చూస్తున్నారు. మరి ఈ పండక్కి వీళ్లలో ఎవర్ని విజయం వరిస్తుందో చూడాలి.
మరిన్ని వీడియోల కోసం ఇక్కడ క్లిక్ చేయండి
Also Watch:
JioHotstar: ఐసీసీకి జియోహాట్స్టార్ బిగ్ షాక్
ఆ నాణేలు చెల్లుబాటు అవుతాయా ?? RBI క్లారిటీ
షాకిస్తున్న కొత్త ఆదాయ పన్ను రూల్స్ !! ఇక వీరికి దబిడి దిబిడే
ఫ్రీ గ్యాస్ కనెక్షన్.. ఇలా దరఖాస్తు చేసుకోండి !!
ప్రభుత్వం కొత్త యాప్.. రైతు బజార్ నుంచి ఇంటికే కూరగాయలు
జూ నుంచి తప్పించుకున్న సింహం.. ఎప్పుడొచ్చి మీద పడుతుందో.. టెన్షన్
ప్రపంచంలోనే అత్యంత పొట్టి బర్రె మనదే..
విద్యార్థి ఇంటి ముందు ఉపాధ్యాయులు ధర్నా..
ఆవు పాలు తాగి... ఆస్పత్రికి క్యూకట్టిన జనం.. ఏం జరిగిందంటే
లంచగొండులకు తగిన గుణపాఠం.. వాళ్ళతో పోలుస్తూ.. వినూత్న ర్యాలీ
