సూపర్హిట్ సినిమాకు సీక్వెల్.. టైటిల్ కూడా చెప్పిన రజనీకాంత్
Updated on: Dec 11, 2025 | 4:47 PM
రజినీకాంత్ తన కెరీర్ బ్లాక్బస్టర్ 'నరసింహ' చిత్రానికి సీక్వెల్ను ప్రకటించారు. డిసెంబర్ 12న తన 75వ పుట్టినరోజు సందర్భంగా ఒరిజినల్ సినిమా రీ-రిలీజ్ అవుతుందని తెలిపారు. 'నీలాంబరి' అనే టైటిల్తో రాబోయే ఈ సీక్వెల్కు ప్రస్తుతం కథా చర్చలు జరుగుతున్నాయని, అభిమానులకు మరో పండగ లాంటి సినిమా అందిస్తానని సూపర్ స్టార్ హామీ ఇచ్చారు.
రజనీకాంత్ కెరీర్లో నరసింహ మూవీ ఎంత సూపర్ హిట్టో అందరికీ తెలుసు. కే.ఎస్ రవికుమార్ డైరెక్షన్లో వచ్చిన ఈ మూవీ రజినీ కెరీర్లో బ్లాక్ బస్టర్గా నిలిచింది. రజినీ, సౌందర్య, రమ్యకృష్ణ తమదైన నటనతో ప్రేక్షకులకు కనువిందు చేశారు. ఇప్పుడు ఈ సినిమా సీక్వెల్పై రజినీకాంత్ తన అభిమానులకు అదిరిపోయే శుభవార్త చెప్పారు. తన కెరీర్లో బ్లాక్బస్టర్గా నిలిచిన ‘నరసింహ’ చిత్రానికి సీక్వెల్ రాబోతోందని హింట్ ఇచ్చారు. ఈ సీక్వెల్ కోసం కథా చర్చలు జరుగుతున్నాయని, అంతా అనుకున్నట్లు జరిగితే అభిమానులకు మరోసారి పండగలాంటి సినిమా అందిస్తానని స్పష్టం చేశారు. డిసెంబర్ 12న తన 75వ పుట్టినరోజు సందర్భంగా ‘నరసింహ’ సినిమాను రీ-రిలీజ్ చేయనున్నారు. ఈ నేపథ్యంలో రజినీకాంత్ ఓ ప్రత్యేక వీడియోను విడుదల చేశారు. ఆ వీడియోలో నరసింహ సీక్వెల్ను ప్రకటించారు. ‘‘ఆడవాళ్లందరూ గేట్లు బద్దలు కొట్టి థియేటర్లలోకి వచ్చిన సినిమా ‘నరసింహ’. అలాంటి ఈ చిత్రానికి సీక్వెల్ తీయబోతున్నాం. ఎన్నో సినిమాలు రెండు భాగాలుగా వస్తున్నాయి. అలాంటప్పుడు ఇంత సూపర్ హిట్ సినిమాకు సీక్వెల్ ఎందుకు తీయకూడదు అనిపించింది. రోబో 2.0, జైలర్ 2 చేసేటప్పుడు ఈ ఆలోచన వచ్చింది. నరసింహ రెండో భాగాన్ని ‘నీలాంబరి’ అనే టైటిల్తో మీకు అందిస్తాం. ప్రస్తుతం దీని స్టోరీపై చర్చలు నడుస్తున్నాయి అని రజనీకాంత్ చెప్పారు. ఈ నరసింహ కథను తానే రాశానని, తన స్నేహితుల పేర్లతో నిర్మించానని వెల్లడించారు. నరసింహ చిత్రానికి టైటిల్ కూడా తానే సూచించానని టైటిల్ వినగానే డైరెక్టర్ ఆశ్చర్యపోయారని, పాతగా ఉందని చెప్పారు. అయితే ఆ టైటిల్లో ఓ వైబ్రేషన్ ఉందని చెప్పి తానే ఒప్పించానని పేర్కొన్నారు రజినీ. ఈ ప్రకటనతో ‘నరసింహ’ సీక్వెల్పై అభిమానుల్లో భారీ అంచనాలు నెలకొన్నాయి.
మరిన్ని వీడియోల కోసం ఇక్కడ క్లిక్ చేయండి
Also Watch:
చనిపోయిందనుకున్న కుమార్తె.. రెండు నెలల తర్వాత.. ట్విస్ట్ సూపర్
JioHotstar: ఐసీసీకి జియోహాట్స్టార్ బిగ్ షాక్
ఆ నాణేలు చెల్లుబాటు అవుతాయా ?? RBI క్లారిటీ
షాకిస్తున్న కొత్త ఆదాయ పన్ను రూల్స్ !! ఇక వీరికి దబిడి దిబిడే
చనిపోయిందనుకున్న కుమార్తె.. రెండు నెలల తర్వాత.. ట్విస్ట్ సూపర్
ఫ్రీ గ్యాస్ కనెక్షన్.. ఇలా దరఖాస్తు చేసుకోండి !!
ప్రభుత్వం కొత్త యాప్.. రైతు బజార్ నుంచి ఇంటికే కూరగాయలు
జూ నుంచి తప్పించుకున్న సింహం.. ఎప్పుడొచ్చి మీద పడుతుందో.. టెన్షన్
ప్రపంచంలోనే అత్యంత పొట్టి బర్రె మనదే..
విద్యార్థి ఇంటి ముందు ఉపాధ్యాయులు ధర్నా..
ఆవు పాలు తాగి... ఆస్పత్రికి క్యూకట్టిన జనం.. ఏం జరిగిందంటే
