Oh Bhama Ayyo Rama Review: ఓ భామ అయ్యో రామ సినిమా రివ్యూ.. ఈసారి సుహాస్ హిట్టు కొట్టాడా..?

రామ్‌ అలియాస్ సుహాస్‌ చిన్నప్పుడే తన తల్లి చనిపోతుంది. మేనమామ అలీనే అన్ని తానై పెంచుతాడు. కాలేజీ చదువుతున్న రోజుల్లో అనుకోకుండా సత్యభామ అలియాస్ మాళవిక మనోజ్‌ పరిచయం అవుతుంది. సత్యభామ.. బడా వ్యాపారవేత్త పృథ్వీరాజ్ ఏకైక కుమార్తె. ఆమెకు ఎవరైనా నచ్చితే.. వారికోసం ఏదైనా చేసేస్తుంది. రామ్‌ని డైరెక్టర్‌ని చేయాలని ఫిక్సవుతుంది. అతనికి సినిమాలంటే ఇష్టం లేకపోయినా.. స్టార్‌ డైరెక్టర్‌ హరీశ్‌ శంకర్‌ దగ్గర అసిస్టెంట్‌ డైరెక్టర్‌గా చేర్పిస్తుంది. కొన్నాళ్ల తర్వాత మూడేళ్ల వరకు మనం కలువొద్దని కండిషన్‌ పెట్టి.. అతనికి దూరంగా వెళ్లిపోతుంది. ఆ మూడేళ్లలో రామ్‌ జీవితం ఎలా మారింది? సత్యభామ.. రామ్‌కి దూరంగా ఎందుకు వెళ్లింది? రామ్‌ తండ్రి ఎవరు? సినిమాలు అంటేనే నచ్చని రామ్‌ని దర్శకుడిగా చేయాలని సత్యభామ ఎందుకు ప్రయత్నించింది. రామ్‌ దర్శకుడుగా సక్సెస్‌ అయ్యాడా లేదా? చివరకు రామ్‌, సత్యభామ కలిశారా లేదా అనేదే మిగతా కథ.