‘ఫోన్ స్విచ్ ఆఫ్ చేయొద్దు బ్రో’.. మహేష్‌బాబు!

లిటిల్ హార్ట్స్ చిత్రం తక్కువ బడ్జెట్‌తో నిర్మించబడి బాక్స్ ఆఫీస్ వద్ద భారీ విజయాన్ని అందుకుంది. కేవలం 2.4 కోట్ల బడ్జెట్‌తో తెరకెక్కిన ఈ చిత్రం 10 రోజుల్లోనే 32 కోట్లకు పైగా వసూళ్లు సాధించింది. ఈ విజయవంతమైన ప్రయాణాన్ని సూపర్ స్టార్ మహేష్ బాబు గుర్తించి సోషల్ మీడియాలో తన అభినందనలు తెలిపారు. ఆయన ప్రశంసల్లో చిత్ర సంగీత దర్శకుడు సినిజిత్ యెర్రమలను ప్రత్యేకంగా ప్రస్తావించారు. సినిజిత్ యెర్రమల మహేష్ బాబుకు అభిమాని అని తన సినిమాపై మహేష్ ఒక ట్వీట్ చేస్తే చాలు అని ఇంతకుముందు చెప్పిన వ్యాఖ్యలను మహేష్ బాబు తన ప్రతిస్పందనలో గుర్తుచేశారు. మహేష్ బాబు ప్రశంసలు చిత్ర యూనిట్‌కు ఎనలేని ఆనందాన్ని కలిగించాయి.