Babu Mohan: నేను తినే పాన్‏లో విషం పెట్టి చంపాలనుకున్నారు..

ప్రముఖ సినీ నటుడు, రాజకీయ నాయకుడు, మాజీ మంత్రి బాబు మోహన్ తన జీవితంలోని అనూహ్య సంఘటనలను, సినిమా విషయాలను ఓ ఇంటర్వ్యూలో వెల్లడించారు. నటుడిగా, గొప్ప వ్యక్తిగా, నాయకుడిగా ప్రజలకు సుపరిచితమైన ఆయన, గత కొద్ది నెలలుగా రాజకీయంగా అంత చురుకుగా కనిపించకపోవడానికి గల కారణాలను, తన నటన ప్రయాణంలోని జ్ఞాపకాలను, ప్రస్తుత ఆరోగ్య స్థితిని వివరించారు. ఈ క్రమంలోనే తనపై విష ప్రయోగం జరిగిందని.. దేవుడి దయ వల్ల తప్పించుకున్నా అంటూ ఆనాటి షాకింగ్ విషయాన్ని వివరించారు బాబు మోహన్. రోజుకు 30-35 కాశ్మీర్ ఖిమాం జర్దా పాన్‌లను తినే అలవాటున్న తనకు ఉందని చెప్పిన బాబు మోహన్.. ఒకసారి సంగారెడ్డిలోని తన నియోజకవర్గం నుంచి హైదరాబాద్ వస్తుండగా, ఓ పాన్ షాపులో పాన్ కట్టించుకున్నా అన్నారు. మెయిన్ రోడ్డు ఎక్కిన తర్వాత పాన్ వేసుకుందామని చూస్తుండగా.. ఉన్నట్టుండి ఎస్పీ నుంచి ఫోన్ వచ్చిందని చెప్పారు. ఆ ఎస్పీ ‘మీరు ఫలానా దగ్గర పాన్ తీసుకున్నారా? అని అడగగా.. తాను అవునని బదులిచ్చానని చెప్పారు. వెంటనే సదరు ఎస్పీ, ఆ పాన్ తినకండి.. అందులో విషయం కలిపారంటూ తనను హెచ్చరించినట్టు చెప్పుకొచ్చారు. ఆ వెంటనే మరొక మహిళ ఏడుస్తూ ‘సాబ్ పాన్ నై ఖానా, ఉస్ మే జెహెర్ హై’ అని చెప్పిందని గుర్తు చేసుకున్నారు. దాంతో వెంటనే తాను ఆ పాన్ తినకుండా పడేశానంటూ.. అప్పటి విషయం గురించి వివరించారు బాబు మోహన్. ప్రత్యర్థులు తనను చంపేందుకు తన పాన్‌లో విషం కలిపినట్టు చెప్పుకొచ్చారు. భగవంతుడి దయ వల్లే ఆ ప్రమాదం నుంచి బయటపడ్డానని, ఆ సంఘటన తర్వాత పాన్ తినడం పూర్తిగా మానేశానని బాబు మోహన్ చెప్పుకొచ్చారు. దైవ సంకల్పం తన ప్రాణాన్ని కాపాడిందని, అదే సమయంలో తనకు పాన్ అలవాటు మానేసేలా చేసిందని అన్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Naresh and Pavitra: తండ్రి ప్రేమ పెళ్లిపై కొడుకు షాకింగ్ రియాక్షన్

Rajasekhar: ‘నోరు విప్పి అడిగినా.. నాకు ఆ రోల్‌ ఇవ్వలేదు’

Niharika Konidela: ఫిలిం ఫేర్ నిర్వాహకులపై నిహారిక ఫైర్..

అమెరికా వీధుల్లో మహాభారత ‘మయసభ’

రమ్యకృష్ణ కొడుకు ఫిల్మ్ ఎంట్రీ ?? తండ్రి ఏమన్నారంటే..