Akhanda 2 Review: లాజిక్స్‌ లేవమ్మా.. అన్నీ గూస్‌ బంప్సే!’ అఖండ2 మూవీ రివ్యూ

బాలకృష్ణ, బోయపాటి కాంబినేషన్ అంటేనే బాక్సాఫీస్ దగ్గర పూనకాలు అని అర్థం. అలాంటి కాంబినేషన్లో వచ్చిన నాలుగో సినిమా అఖండ 2 తాండవం . శుక్రవారం (డిసెంబర్ 12) ప్రపంచ వ్యాప్తంగా విడుదలైన ఈ సినిమా ఎలా ఉందో పూర్తి రివ్యూలో చూద్దాం.. బాలమురళీకృష్ణ అలియాస్ బాలయ్య రాయలసీమలో ఒక ప్రాంతానికి ఎమ్మెల్యేగా ఉంటాడు. ఆయన కూతురు జనని అలియాస్ హర్షాలి మల్హోత్రా కేవలం 17 ఏళ్ల వయసులోనే తన అద్భుతమైన టాలెంట్ తో సైంటిస్ట్ గా గుర్తింపు తెచ్చుకుంటుంది. మరోవైపు ఇండియాను ఎలా అయినా నాశనం చేయాలని చైనా ఎదురుచూస్తూ ఉంటుంది. దానికోసం మనదేశంలోని రాజకీయ నాయకుడు ఠాకూర్ అలియాస్ కబీర్ సింగ్ సాయం తీసుకుంటుంది. వాళ్ళందరూ కలిసి భారత దేశ సనాతన ధర్మమూలాలను కొట్టాలి అని ప్లాన్ చేసుకుంటారు. ఆ సమయంలో అఖండ అలియాస్ బాలయ్య వచ్చి ఏం చేశాడు.. ధర్మాన్ని ఎలా కాపాడాడు అనేది అసలు కథ. కొన్ని సినిమాలకు లాజిక్స్ తో అసలు పనిలేదు.. జస్ట్ స్క్రీన్ మీద జరిగే మ్యాజిక్ చూసి ఎంజాయ్ చేయాలంతే. అఖండ తాండవం అలాంటి సినిమానే. కథతో పనిలేదు.. కథనంతో అవసరం లేదు.. జస్ట్ స్క్రీన్ మీద అలా బాలయ్య త్రిశూలం తిప్పుతూ వస్తే చాలు.. మీరు పెట్టిన డబ్బులకు పైసా వసూల్ అయిపోయినట్టే..! కరెక్ట్ టైంలో బయట నడుస్తున్న ట్రెండ్ పట్టుకొని సనాతన హైందవ ధర్మం గురించి చెప్పాడు బోయపాటి శ్రీను. అది కూడా అందరికీ అర్థమయ్యేలా కమర్షియల్ అంశాలు జోడించి.. బుర్రలోకి బాగా ఎక్కించాడు బోయపాటి. నాకు తెలిసి ఈ సినిమా బాలయ్య తప్ప ఇంకెవరూ చేయలేరు.. అఖండ తాండవం లాంటి సినిమాలు చేయాలంటే డైలాగులు చెప్పడం వస్తే సరిపోదు.. మంత్రాలు చెప్పడం కూడా రావాలి. అలాంటి సంస్కృత శ్లోకాలు, డైలాగ్స్ కేవలం బాలయ్యకు మాత్రమే సాధ్యం! సినిమా అంతా దేవుడు చుట్టూనే తిరుగుతుంది. ఎప్పటిలాగే తొలి గంట ఎలాగోలా గడిపేసి.. ఇంటర్వెల్ ముందు పెద్ద బాలయ్యను దించేశాడు బోయపాటి. ఆయన రావడం రావడమే డ్యూటీ ఎక్కేసాడు.! పవర్ ఫుల్ డైలాగులు.. యాక్షన్‌తో ముష్కరులను ఉచకోత కోస్తాడు. ఇక అఖండతో పాటు తమన్ ఆల్మోస్ట్ ఇదే చేస్తాడు. ఎంతలా అంటే బాలయ్య అలా మామూలుగా నడిస్తున్నా కూడా వెనకాల డమరుకాలు మొగించాడు తమన్. ఆ వాయింపుతో థియేటర్లలో స్పీకర్లకు పట్టిన తుప్పు మొత్తం వదిలిపోతుంది. ఇంటర్వెల్ కు తాండవం మొదలుపెట్టిన బాలయ్య క్లైమాక్స్ వరకు ఆపలేదు. చూడ్డానికి రొటీన్ కథలాగే అనిపించినా కూడా ఇందులో మూలాలు చాలా ఉన్నాయి. ముఖ్యంగా సనాతన హైందవ ధర్మం గురించి చెప్పిన సన్నివేశాలు చాలా బాగున్నాయి. దేవుడు లేడు? కష్టాలు వచ్చినప్పుడు దేవుడు ఎందుకు కనిపించడు? లాంటి ప్రశ్నలు అడిగించి వాటికి సమాధానం చెప్పించాడు బోయపాటి. దాంతోపాటు ఆది పినిశెట్టితో వచ్చే సన్నివేశాలు కూడా బాగా రాసుకున్నాడు. సెకండ్ హాఫ్ లో ఎవరు ఊహించని కామియో ఒకటి ఉంటుంది.. అది వచ్చినప్పుడు అందరికీ గూస్ బంప్స్ గ్యారెంటీ. మధ్యలో మదర్ సెంటిమెంట్ కూడా బాగానే కనెక్ట్ అయింది. క్లైమాక్స్ తన రుద్ర తాండవం చూపించాడు బాలయ్య. బాలయ్య మరోసారి తన రుద్ర తాండవం చూపించాడు. అఖండ పాత్రలో ఆయన నటనకు ఎవరైనా ఫిదా అయిపోవాల్సిందే. సంయుక్త మీనన్ చాలా చిన్న క్యారెక్టర్ చేసింది.. మరో కీలకమైన పాత్రలో హర్షాలి మల్హోత్రా మెప్పించింది. ఆది పినిశెట్టి విలన్ గా బాగున్నాడు. మిగిలిన అన్ని పాత్రలలో అందరూ మెప్పించారు. ఇక వీరికి తోడు.. తమన్ మరోసారి స్పీకర్లు పగలగొట్టే బాధ్యత తీసుకున్నాడు. ఇంటర్వెల్ నుంచి మామూలుగా వాయించలేదు. సినిమాటోగ్రఫీ కూడా చాలా బాగుంది. ఎడిటింగ్ అక్కడక్కడ కాస్త ల్యాగ్ అయిన ఫీలింగ్ వచ్చినా కూడా అది సినిమా మీద పెద్దగా ఎఫెక్ట్ చూపించలేదు. నిర్మాణ విలువలు బాగున్నాయి. దర్శకుడిగా బోయపాటి మరోసారి రెచ్చిపోయాడు. బోయపాటికి బాలయ్య దొరికితే.. పూనకాలు వచ్చేస్తాయి.. ఈసారి అదే చేశాడు. ఇక ఓవరాల్ గా ఒక్క మాటలో చెప్పాలంటే అఖండ తాండవం.. థియేటర్లలో రుద్రతాండవం..!

మరిన్ని వీడియోల కోసం ఇక్కడ క్లిక్ చేయండి

Also Watch:

కొండ అంచున సెల్ఫీ.. కట్‌ చేస్తే… 130 అడుగుల నుండి

నన్ను చంపండి ప్లీజ్‌.. కారుణ్య మరణం కోరుకునే చీమ!

జీవితాంతం కరెంటు బిల్లు ఫ్రీ.. ఒక్కసారి పెట్టుబడితో

ఇంటి డాబాపై భారీ వేప చెట్టు..! దీని వయస్సు 100 సంవత్సరాలు

Rajinikanth: రజినీకాంత్‌ సినిమాలో పవర్‌ఫుల్‌ పాత్ర చేజార్చుకున్న ఐశ్వర్యారాయ్‌