Crime: ఛాతిలో కత్తి.. అలాగే పోలీస్ స్టేషన్‌కు వచ్చిన బాలుడు.. పోలీసులు షాక్!

ఢిల్లీలోని సెంట్రల్ ఢిల్లీలో గురువారం మధ్యాహ్నం ఓ షాకింగ్ ఘటన చోటుచేసుకుంది. 15 ఏళ్ల ఓ పాఠశాల విద్యార్థి తన ఛాతిలో కత్తితోనే పోలీస్ స్టేషన్‌కు చేరుకున్నాడు. బహార్గంజ్ పోలీస్ స్టేషన్‌కు వచ్చిన బాలుడిని చూసి పోలీసులు ఆశ్చర్యపోయారు. బాలుడు తన ఛాతిలో కత్తి దిగి ఉందని, తన స్కూల్‌కు చెందిన ముగ్గురు విద్యార్థులు తనపై దాడి చేసి కత్తితో పొడిచారని వెల్లడించాడు. వెంటనే పోలీసులు అతడిని స్థానిక ఆసుపత్రికి తరలించారు. అనంతరం మెరుగైన చికిత్స కోసం రాం మనోహర్ లోహియా ఆసుపత్రికి తరలించి, అక్కడ శస్త్రచికిత్స ద్వారా కత్తిని సురక్షితంగా తొలగించారు. ఈ ఘటనపై పోలీసులు విచారణ చేపట్టారు. దాడి జరిగిన మరుసటి రోజు సాయంత్రం పోలీసులు ముగ్గురు నిందితులను అదుపులోకి తీసుకున్నారు. నిందితుల వయస్సు 15, 16 ఏళ్లుగా గుర్తించారు. పోలీసుల దర్యాప్తులో ఈ దాడి ప్రతికార దాడిగా ఉండొచ్చని తేలింది.