Viral: తన ల్యాప్‌టాప్‌ను పబ్లిక్ మధ్య పెట్టి వెళ్లాడు.. ఏం జరిగిందంటే?

చైనాలోని ఓ సోషల్ మీడియా ఇన్‌ఫ్లుయెన్సర్ టిన్‌చో, తన ల్యాప్‌టాప్‌ను రద్దీ ప్రదేశంలో 30 నిమిషాల పాటు వదిలిపెట్టి వెళ్ళాడు. ఇది ప్రజల నమ్మకాన్ని, ప్రజాభద్రతను పరీక్షించే ప్రయోగంగా అతను భావించాడు. ఆశ్చర్యకరంగా, ల్యాప్‌టాప్‌ను ఎవరూ దొంగలించలేదు. ఈ ఘటనను వీడియోగా తీసి ఇన్‌స్టాగ్రామ్‌లో పోస్ట్ చేయగా, అది వైరల్‌గా మారింది. ఈ వీడియో ప్రపంచవ్యాప్తంగా చర్చకు దారితీసింది. వివిధ దేశాల ప్రజలు తమ దేశాల్లోని పరిస్థితులను పోల్చుతూ కామెంట్లు చేశారు. కొందరు తమ దేశాల్లో ఇలాంటిది జరగడం అసాధ్యమని, మరికొందరు తమ అనుభవాలను పంచుకున్నారు. ఈ ప్రయోగం, ప్రపంచవ్యాప్తంగా ప్రజాభద్రత, నమ్మకంపై కొత్త చర్చను రేకెత్తించింది.