Viral Video: ఇద్దరమ్మాయిలతో యువకుడి సరసాలు.. చూడలేక మేడపై నుంచి ఓ వ్యక్తి దెబ్బకు ఇచ్చిపడేశాడుగా.!

ఫేమస్ అవ్వడానికో, లేక లైకులు కొట్టాలానో, లేదా ఫాలోవర్లు పెంచుకోవడానికో తెలియదు గానీ.. యువత చేయకూడదని పనులన్నీ కూడా పబ్లిక్‌లో చేసేసి..

Viral Video

Ravi Kiran |
Updated on: May 29, 2023 | 1:45 PM

ఫేమస్ అవ్వడానికో, లేక లైకులు కొట్టాలానో, లేదా ఫాలోవర్లు పెంచుకోవడానికో తెలియదు గానీ.. యువత చేయకూడదని పనులన్నీ కూడా పబ్లిక్‌లో చేసేసి.. ఇంటర్నెట్‌లో తెగ వైరల్ అవుతున్నారు. ఇలాంటి ఓ వీడియో ప్రస్తుతం సోషల్ మీడియాలో హల్చల్ చేస్తోంది. పబ్లిక్‌గా తింగరి వేషాలు, తిక్క పనులు చేస్తున్న ముగ్గురు టీనేజర్లకు ఇచ్చిపడేశాడు ఓ వ్యక్తి. మీరూ ఈ వీడియోలో లాస్ట్ సీన్ చూసి కడుపుబ్బా నవ్వుకోవడం పక్కా..

ఇంతకీ అసలు ఏం జరిగిందంటే.. పట్టపగలు.. మిట్ట మధ్యాహ్నం.. ఓ వీధిలోని ఇంటి దగ్గర ఒక యువకుడు తన బైక్ ఆపి.. ఇద్దరు యువతులతో సరసాలు చేస్తున్నాడు. ఆ యువతులను ఎత్తుకుని గింగిరాలు తిప్పడం.. గట్టిగా హాగ్ చేసుకోవడం.. ఇలా రొమాన్స్ చేస్తున్నాడు ఆ యువకుడు. మొదటిగా మేడపై ఉన్న వ్యక్తి ఈ తతంగాన్ని తన ఫోన్‌లో రికార్డు చేశాడు. కానీ ఆ తర్వాత అతడికి కూడా వీరి చేష్టలకు చిర్రెత్తిపోయి.. ఓ బకెట్ నీళ్లు తీసుకొచ్చి వారిపై కుమ్మరించాడు. దీంతో, ఆ ముగ్గురు నిర్ఘాంతపోయి.. పరుగులు పెట్టారు. కాగా, ప్రస్తుతం ఈ వీడియో సోషల్ మీడియాలో తెగ చక్కర్లు కొడుతోంది. దీనిపై నెటిజన్ల నుంచి భిన్నాభిప్రాయాలు వ్యక్తం అవుతున్నాయి. కొందరు ఈ వీడియో చూసి నవ్వుకుంటుంటే.. మరికొందరు ఈకాలం యువత హద్దు మీరుతున్నారని కామెంట్స్ పెడుతున్నారు.