ఎరక్కపోయి..ఇరుక్కుంది..గుళ్లో భక్తురాలి హైరానా!

ఈ మధ్య జనాలకు ఫోటోల పిచ్చి బాగా పెరిగిపోయింది. ఏవో కొన్ని తిరిగిరాని మూమెంట్స్‌ను బంధించడం వరకు ఓకేే గానీ..వెర్రి వెయ్యి రకాలు అన్నట్టు ప్రతి చోటా ఫోటోలు, సెల్పీలు కోసం ఆరాటపడటం చాలా డేంజర్. అలా చేస్తే లేనిపోని తలనొప్పులను స్వాగతించినట్టే. తాజాగా గుజరాత్ రాష్ట్రంలో కూడా ఓమహిళ భక్తురాలు చేసిన పని అలాంటి కోవకు చెందిందే.. అయితే సదురు వీడియో మాత్రం ఇప్పుడు నవ్వులు పూయిస్తూనే మరోవైపు ఫోటోస్ కోసం ఓవర్ చేస్తే ఎలాంటి ఇబ్బందులు ఫేస్ చేయాల్సి వస్తుందో కళ్లకు కట్టినట్టు చూపిస్తుంది.

ఆ వీడియో ఇప్పుడు సోషల్ మీడియాలో తెగ వైరల్ అవుతోంది. గుజరాత్‌లో గుడికి వెళ్లిన మహిళా భక్తురాలు.. అక్కడ ఏర్పాటు చేసిన ఏనుగు విగ్రహాన్ని చూసి ముచ్చటపడి దాని కాళ్ల కింద పడుకొని ఫొటో దిగాలని చూసింది. ఏనుగు విగ్రహం చిన్నగా ఉన్నా అవేవి లెక్కచేయకుండా చటుక్కున దాని కాళ్ల కిందకు దూరింద. ఫొటో తీసుకుంది. ఫోటోకు మంచి స్మైల్ కూడా ఇచ్చిందండోయ్. దూరడం అయితే దూరింది కానీ బయటకు రావడం కష్టమైంది. చాలా మంది మహిళలు ఆమెను బయటకు తీసేందుకు అష్టకష్టాలు పడ్డారు. చివరకు ఎలాగోలా అతికష్టం మీద బతుకు జీవుడా అంటూ ఆ మహిళ బయటపడింది. భక్తిగా గుడికి వెళ్తే వెళ్లారు గానీ ఇలాంటి విచిత్రపు పోకడలకు పోతే సేమ్ సీన్ రిపీట్ అవుతుంది జాగ్రత్త!