Viral Video: రోడ్డుపై నిమ్మరసం తాగుతున్నారా.. అయితే ఈ వీడియో ఒక్కసారి చూడండి..!

సోషల్ మీడియాలో వైరల్ అవుతున్న ఓ వీడియో దేశవ్యాప్తంగా చర్చనీయాంశంగా మారింది. ఉత్తరప్రదేశ్‌లోని లక్నో రైల్వే స్టేషన్‌లో నిమ్మరసం విక్రయిస్తున్న ఓ వ్యక్తి, పబ్లిక్ రెస్ట్‌రూమ్‌ నుంచి నీటిని తీసుకొచ్చి నిమ్మరసం తయారీలో కలిపినట్లు ఆరోపిస్తూ ఓ వీడియో వైరల్ అవుతోంది. ఈ వీడియో వెలుగులోకి రావడంతో ఆహార భద్రత, పరిశుభ్రత, ప్రజారోగ్యంపై నెటిజన్లు తీవ్ర ఆందోళన వ్యక్తం చేస్తున్నారు.

వైరల్ వీడియోలో ఒక నిమ్మరసం విక్రేత తన బండి వద్ద నుంచి వెళ్లి సమీపంలోని పబ్లిక్ రెస్ట్‌రూమ్‌లోకి ప్రవేశించినట్లు కనిపిస్తోంది. అనంతరం అక్కడి నుంచి ఒక బకెట్‌లో నీటిని తీసుకొచ్చి, తన బండిపై ఉన్న పెద్ద నిమ్మరసం తయారీ పాత్రలో పోస్తున్న దృశ్యాలు వీడియోలో ఉన్నాయి. అయితే ఆ నీరు నిజంగా రెస్ట్‌రూమ్ వినియోగానికి సంబంధించినదేనా లేదా అక్కడి తాగునీటి వనరు నుంచా అనే విషయం వీడియో ద్వారా స్పష్టంగా నిర్ధారించలేదు.

ఈ వీడియో లక్నో రైల్వే స్టేషన్‌లో చిత్రీకరించిందని సోషల్ మీడియాలో ప్రచారం జరుగుతోంది. అయితే దీనిపై సంబంధిత అధికారులు ఇప్పటివరకు అధికారిక ప్రకటన విడుదల చేయలేదు. వీడియో వైరల్ కావడంతో పలువురు నెటిజన్లు సంబంధిత శాఖలు వెంటనే విచారణ చేపట్టి, వాస్తవాలు వెలుగులోకి తీసుకురావాలని డిమాండ్ చేస్తున్నారు. సోషల్ మీడియాలో ఈ ఘటనపై తీవ్ర స్పందనలు వ్యక్తమవుతున్నాయి. కొందరు వినియోగదారులు ఆహార భద్రతా ప్రమాణాలు ఎక్కడున్నాయని ప్రశ్నిస్తుండగా, మరికొందరు ఇలాంటి ఘటనలపై కఠిన చర్యలు తీసుకోవాలని కోరుతున్నారు. ఇంకొందరు ఎఫ్‌ఎస్‌ఎస్‌ఏఐ (FSSAI) నిబంధనలను కఠినంగా అమలు చేయాలని సూచిస్తున్నారు.

వీడియోలో కనిపిస్తున్న నీళ్లు కానీ, ఈ ఘటనకు సంబంధించిన వివరాలు స్వతంత్రంగా ధృవీకరించడంలేదు. సంబంధిత అధికారుల విచారణ అనంతరం మాత్రమే పూర్తి వాస్తవాలు వెల్లడికానున్నాయి.

వైరల్ వీడియోను ఇక్కడ చూడండి..

शिकंजी पी लो दोस्तों सुलभ शौचालय के शुद्ध और आरओ के पानी की

भूल ना जाना शिकंजी पीना ख़ुद भी पिओ और परिवार को भी पिलाओ pic.twitter.com/ldoJPulvvv

— Heena (@Heena895) July 16, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి..