Viral Video: ఏటీఎం నుంచి వింత శబ్దాలు.. భయంతో డోర్ ఓపెన్ చేయగా కళ్లు చెదిరే సీన్..

ఒరేయ్ సుబ్బడు.. నిన్న డబ్బులు అవసరమై ఏటీఎంకు వెళ్తే.. లోపల నుంచి సౌండ్ వచ్చిందిరోయ్.. ఎవరో మనీ విత్ డ్రా చేసుకుంటున్నారేమో.. వెయిట్ చేద్దాంలే అని బయట నిల్చున్నా.. 5.. 10.. 15.. నిముషాలు గడుస్తున్నా.. ఎంతసేపటికి లోపల ఉన్నవారెవరూ బయటికి రావట్లేదు. స్.. స్..స్‌స్‌స్‌.. అని వింత శబ్దాలు రావడం మొదలయ్యాయి. కొంత డౌట్ వచ్చింది.. ఎక్కువ క్యాష్ డ్రా చేసుకుంటున్నారేమోలే.. లోపలికి వెళ్తే మర్యాద కాదు.. వాళ్ల పిన్ నెంబర్ చూస్తామేమోనని అనుకుంటారని కోపం వస్తున్నా.. బయటే వెయిట్ చేశాను.. దాదాపు అరగంట గడిచింది. ఇంక ఇలా కాదు.. తాడోపేడో తేల్చుకోవాలంటూ తలుపు తెరిచాను.. అక్కడ కనిపించిన దృశ్యం చూసేసరికి ఫ్యూజులు ఎగిరిపోయాయి. అమ్మో.! చూడు అదేంటో..

ఏటీఎం మిషన్ మొత్తం నా సొత్తు అన్నట్లుగా ఆ పాము చూడండి.. చూస్తుంటేనే భయమేస్తోంది. మరి ఈ వీడియో తీసినోడు పాము కంటే డేంజరస్ ఏమో.. మనలాగే ఆ పాము కూడా డబ్బులు తీసుకోవడానికి కార్డు పెట్టి ఉంటుంది. అది కాస్తా మిషన్ లోపలికి పోయినట్లుంది.. మనమైతే సరాసరి బ్యాంక్ మేనేజర్‌కు వెళ్లి కంప్లైంట్ ఇస్తాం.. పాము కదా.. వెళ్తే భయపడతాడనుకుందో.. ఏమో.. కార్డును వెతికేందుకు మిషన్‌లోకి దూరిపోతోంది. ఈ వీడియో ప్రస్తుతం సోషల్ మీడియాలో వైరల్ అవుతోంది. నెటిజన్లు కూడా దీనిపై ఫన్నీ కామెంట్స్‌తో హోరెత్తిస్తున్నారు. ‘నువ్వు కానీ మామ.. తగ్గేదేలే దొరికే దాకా’ అంటూ పామును ఎంకరేజ్ చేస్తున్నారు. లేట్ ఎందుకు మీరూ వీడియోపై ఓ లుక్కేయండి.