Viral News: గోనె సంచి ప్యాంట్.. ధర అక్షరాల రూ. 60 వేలు..
ఫ్యాషన్ ఎప్పటికప్పుడు మారుతూనే ఉంటుంది. ప్రపంచవ్యాప్తంగా ఫ్యాషన్ కాలానికి అనుగుణంగా మార్పులు వస్తూనే ఉంటాయి. అయితే పుర్రెకో బుద్ది, జిహ్వకో రుచి అన్నట్లు ఫ్యాషన్కు అర్థమే మారిపోతోంది. చిత్రవిచిత్రమైన దుస్తులు మార్కెట్లో సందడి చేస్తున్నాయి...
ఫ్యాషన్ ఎప్పటికప్పుడు మారుతూనే ఉంటుంది. ప్రపంచవ్యాప్తంగా ఫ్యాషన్ కాలానికి అనుగుణంగా మార్పులు వస్తూనే ఉంటాయి. అయితే పుర్రెకో బుద్ది, జిహ్వకో రుచి అన్నట్లు ఫ్యాషన్కు అర్థమే మారిపోతోంది. చిత్రవిచిత్రమైన దుస్తులు మార్కెట్లో సందడి చేస్తున్నాయి. జనాలు కూడా వాటిని ఎగబడి మరీ కొంటున్నారు.
అయితే ఇలాంటి ఓ వెరైటీ ప్యాంట్ నెట్టింట తెగ వైరల్ అవుతోంది. అదే గోనెసంచితో తయారు చేసిన పలాజో ప్యాంట్. సాధారణంగా గోనె సంచులను మనం వడ్డు, బియ్యం వంటి ధాన్యాలను నింపేందుకు ఉపయోగిస్తుంటాం. వ్యవసాయం సంబంధిత అవసరాలకే ఎక్కువగా గోనె సంచులను ఉపయోగిస్తుంటాం. అయితే ఆ గోనె సంచికి ఉపయోగించే క్లాత్తో ప్యాంట్ కుట్టిస్తే ఎలా ఉంటుంది.? వినడానికే ఆసక్తికరంగా ఉంది కదూ! అయితే దీనిని నిజం చేశారు.
వైరల్ వీడియో..
View this post on Instagram
గోనె సంచితో ఓ డిజైనర్ పలాజో ప్యాంట్ తయారు చేశారు. ఈ ప్యాంట్ను ఓ షాపింగ్మాల్లో డిస్ప్లేలో ఉంచారు. మేడ్ ఇన్ ఇండియా అనే ట్యాగ్ లైన్తో ఉన్న ఈ ప్యాంట్ ధర అక్షరాల రూ. 60 వేలు. ఈ ప్యాంట్కు సంబంధించిన వీడియో ఒకటి సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు ఔరా అంటున్నారు. ఇక మరికొందరు గోనె సంచి ప్యాంట్ను రూ. 60 వేలు పెట్టి కొనడం ఏంటని యూజర్లు కామెంట్స్ చేస్తున్నారు.
మరిన్ని ట్రెండింగ్ ఆర్టికల్స్ కోసం క్లిక్ చేయండి..