రామాయణాన్ని తలపించిన వింత.. యూనెస్కో గుర్తింపు పొందిన అడవుల్లో అరుదైన తెల్ల జింక దర్శనం..!
సాధారణంగా దట్టమైన అడవుల్లో తిరిగే జింకలు గోధుమ లేదా ముదురు రంగుల్లో ఉంటాయి. కానీ, సోషల్ మీడియాలో వైరల్ అవుతున్న ఒక వీడియోలో పొడవైన గడ్డి, పొదల మధ్య నిటారైన కొమ్ములతో గంతులేస్తున్న ఈ శ్వేత వర్ణపు జింక పర్యాటకులను, అటవీ అధికారులను ఆశ్చర్యంలో ముంచెత్తింది. ఈ అరుదైన దృశ్యానికి సంబంధించిన వీడియోను అస్సాం ముఖ్యమంత్రి హిమంత బిశ్వ శర్మ స్వయంగా తన అధికారిక సోషల్ మీడియా (ఎక్స్) వేదికగా పంచుకున్నారు. ఇలాంటి అరుదైన దృశ్యాలు నిత్యం కనిపించవు.
Updated on: May 27, 2026 | 3:14 PM
మనం రామాయణ గాథలో సీతాదేవిని ఆకర్షించిన బంగారు జింక (మాయ లేడి) కథ గురించి వినే ఉంటాం. అయితే ప్రకృతిలో అలాంటి బంగారు జింకలు నిజంగా లేకపోయినా.. తాజాగా అస్సాం అడవుల్లో రామాయణాన్ని తలపించేలా ఒక అద్భుతమైన వింత చోటుచేసుకుంది. వన్యప్రాణుల స్వర్గధామమైన కజిరంగా జాతీయ పార్కులో పచ్చని గడ్డి మైదానాల మధ్య, పాలలాంటి తెల్లటి రంగులో మెరిసిపోతున్న ఒక అత్యంత అరుదైన ఆల్బినో హాగ్ డీర్ (Albino Hog Deer) ప్రత్యక్షమైంది.
వన్యప్రాణుల స్వర్గధామంగా పిలువబడే అస్సాంలోని కాజీరంగా జాతీయ పార్కులో ఒక అద్భుతమైన దృశ్యం వెలుగుచూసింది. సాధారణంగా దట్టమైన అడవుల్లో మనకు గోధుమ లేదా ముదురు రంగుల్లో ఉండే జింకలు కనిపిస్తాయి. కానీ, కాజీరంగాలోని పచ్చని గడ్డి మైదానాల్లో పాలలాంటి తెల్లటి రంగులో మెరిసిపోతున్న ఒక అత్యంత అరుదైన అల్బినో హాగ్ డీర్ (Albino Hog Deer) పర్యాటకులను, అటవీ అధికారులను ఆశ్చర్యపరిచింది. ఈ అరుదైన తెల్ల జింకకు సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.
అస్సాం ముఖ్యమంత్రి హిమంత బిశ్వ శర్మ స్వయంగా ఈ అద్భుతమైన వీడియోను ఎక్స్ (ట్విట్టర్) వేదికగా పంచుకున్నారు. ఇలాంటి అరుదైన దృశ్యాలు నిత్యం కనిపించవు. కాజీరంగాలో అల్బినో హాగ్ డీర్ కనిపించడం మన వన్యప్రాణుల వైవిధ్యానికి నిదర్శనం. ఇలాంటి అరుదైన జీవులను రక్షించడానికి, అస్సాం అడవుల్లో అవి సురక్షితంగా పెరగడానికి మా ప్రభుత్వం కట్టుబడి ఉంది అని సీఎం పేర్కొన్నారు.
ఈ శ్వేత వర్ణ జింకను చూసిన చాలా మంది ఇది ఏదైనా కొత్త జాతి జింక ఏమో అని భావించారు. అయితే, అటవీ అధికారులు, వన్యప్రాణి నిపుణులు దీనిపై స్పష్టతనిచ్చారు. ఇది వేరే జాతి కాదని, సాధారణ హాగ్ డీర్ జాతికి చెందినదేనని తెలిపారు. జన్యుపరమైన లోపాలు లేదా మార్పుల (Genetic Mutation) కారణంగా మెలనిన్ లోపించి ఈ జింక శరీరం పూర్తిగా తెల్లగా మారుతుందని, దీనిని అల్బినిజం అంటారని నిపుణులు వివరించారు. కాజీరంగా పార్కులో దాదాపు 40,000 పైగా హాగ్ డీర్లు ఉండగా, అందులో ఒకటి లేదా రెండు మాత్రమే ఇలాంటి అరుదైన రంగుతో జన్మించే అవకాశం ఉంటుంది.
వీడియో ఇక్కడ చూడండి..
Not every day does one witness something this rare 🦌
The sighting of an albino hog deer in @kaziranga_ stands as a symbol of the richness of our wildlife. It highlights our resolve to conserve and ensure that even the rarest species continue to thrive in the forests of Assam. pic.twitter.com/8jUDk1yScb
— Himanta Biswa Sarma (@himantabiswa) May 26, 2026
యునెస్కో ప్రపంచ వారసత్వ ప్రదేశమైన కాజీరంగా నేషనల్ పార్క్ ఒంటికొమ్ము ఖడ్గమృగాలకు, పులులకు ప్రసిద్ధి చెందింది. ఇప్పుడు ఈ అరుదైన అల్బినో జింకను చూసేందుకు ప్రకృతి ప్రేమికులు, వన్యప్రాణి ఫోటోగ్రాఫార్లు ఎగబడుతున్నారు. పచ్చటి అడవిలో ఇతర గోధుమ రంగు జింకలతో కలిసి ఈ తెల్ల జింక స్వేచ్ఛగా విహరిస్తున్న దృశ్యం నెటిజన్లను ఎంతగానో ఆకట్టుకుంటోంది. అయితే, ఇటువంటి తెల్లటి జీవులు అడవిలో క్రూర జంతువుల కంటికి సులువుగా చిక్కుతాయని, కాబట్టి వీటి రక్షణ విషయంలో అటవీ శాఖ ప్రత్యేక శ్రద్ధ వహించాలని కొందరు వన్యప్రాణి ప్రేమికులు సూచిస్తున్నారు.
