Viral Video: రన్‌వేపై విమానాన్ని నెడుతున్న జనం.. వీడియో చూసి పొట్ట చక్కలయ్యేలా నవ్వుకుంటున్న నెటిజన్లు..

Passengers push Airplane: సోషల్ మీడియాలో కొంతమంది వ్యక్తులు విమానాన్ని రన్‌వేపై నుంచి నెడుతున్న వింత వీడియో ప్రస్తుతం తెగ వైరల్ అవుతోంది. ఈ వీడియోను చూసి నెటిజన్లు షాక్ అవుతున్నారు. విమానాన్ని నెట్టడం ఎంటంటూ అవాక్కవుతున్నారు. ఈ వింత ఘటన బుధవారం నేపాల్‌లోని ఓ విమానాశ్రయంలో చోటుచేసుకుంది. తారా ఎయిర్‌ సంస్థకు చెందిన విమానాన్ని ప్రయాణికులు నెడుతున్న వీడియో ప్రస్తుతం నెట్టింట వైరల్ అయింది. నేపాల్ వార్తల ప్రకారం.. కోల్టీలోని బజురా విమానాశ్రయంలో ల్యాండింగ్ చేస్తున్నప్పుడు విమానం వెనుక టైర్ పేలింది. దీని కారణంగా విమానం రన్‌వే నుంచి టేకాఫ్ కాలేదు. ఇంతలో.. విమానం అడ్డుగా ఉండటంతో మరో విమానం పైకి ఎగరలేకపోయింది. దీంతో విమానాశ్రయంలోని ప్రయాణికులు, భద్రతా సిబ్బందితో కలిసి విమానాన్ని రన్‌వే నుంచి క్లియర్ చేశారు. దీంతో ఇతర విమానాల రాకపోకలు జరిగినట్లు పేర్కొంటున్నారు.

ఈ వీడియోలో.. దాదాపు 30 మందికి పైగా ప్రయాణికులు, సిబ్బంది విమానాన్ని రన్‌వేపై నుంచి పక్కకు నెట్టడాన్ని చూడవచ్చు. అయితే.. ఓ ట్విట్టర్ యూజర్ ఈ వీడియోను షేర్ చేస్తూ.. ఇది నేపాల్ లో మాత్రమే నంటూ వ్యంగంగా కామెంట్ చేశారు. కాగా.. ఈ వీడియోను వేలాది మంది వీక్షించి పలు రకాలుగా కామెంట్లు చేస్తున్నారు.

వీడియో చూడండి:

सायद हाम्राे नेपालमा मात्र होला ! pic.twitter.com/fu5AXTCSsw

— Samrat (@PLA_samrat) December 1, 2021

తారా ఎయిర్ ఏటీ ఎయిర్‌లైన్స్ చెందిన 9N-AVE విమానం హుమ్లాలోని సిమ్‌కోట్ నుంచి బజురా విమానాశ్రయంలో దిగినట్లు హిమల్ కమ్యూనికేషన్స్‌కు ఏతి ఎయిర్‌లైన్స్ ప్రతినిధి సురేంద్ర బర్తౌలా తెలిపారు. అయితే దాని టైర్ పగిలిపోవడంతో రన్ వేపై అడ్డుగా ల్యాంట్ అయిందని పేర్కొన్నారు. దీని కారణంగా మరొక విమానం పైకి ఎగరలేదని.. పక్కకు తొలగించేందకు ఎలాంటి మౌలిక సదుపాయాలు లేకపోవడంతో ప్రయాణికులు, సిబ్బందితో దానిని క్లియర్ చేసినట్లు తెలిపారు. అయితే.. ల్యాండ్ అయిన కొంత సేపటికి విమానం టైర్ పంక్చర్ అవడంతో ప్రమాదం తప్పిందని తెలిపారు.

Also Read:

Viral Video: దర్జాగా కూర్చోని కటింగ్ చేయించుకున్న కోతి.. చూసి నోరెళ్లపెడుతున్న నెటిజన్స్.. వీడియో వైరల్..

Viral Video: ఏనుగుల ప్రాంతానికి వెళ్లి ప్రాణాల మీదకు తెచ్చుకున్న టూరిస్ట్‌లు.. ఒళ్లుగగుర్పొడిచే వీడియో..