రూ.500 నోట్ల కట్టతో కోతి.. ఒక్క ఫ్రూటీకే దాసోహం అంది కదా.. ఫన్నీ వీడియో వైరల్

Viral Video

కోతులు చేసే సందడి గురించి ఎంత చెప్పినా తక్కువే.. చెట్లపై తిరుగుతూ ఉండే కోతులు తరచుగా ప్రజల ఇళ్లలోకి ప్రవేశించి ఆహారాన్ని దొంగిలించి పారిపోతాయి. శ్రీ కృష్ణుని స్వస్థలం బృందావనం కూడా చాలా చేసే అల్లరి కోతులతో నిండి పోయి ఉంటుంది. అవి దారిన వెళ్ళేవారి నుంచి ఆహారం, పానీయాలను మాత్రమే కాకుండా వారి గాజులు, పర్సులు, ఇతర వస్తువులను కూడా లాక్కుంటాయి. అయితే కోతులు తరచుగా ఆహారం తీసుకున్న తర్వాత వస్తువులను తిరిగి ఇస్తారు. అలాంటి ఒక వీడియో ప్రస్తుతం సోషల్ మీడియాలో హల్ చల్ చేస్తోంది. ఒక కోతి భారీ సంఖ్యలో ఉన్న రూ. 500 నోట్లను పట్టుకుని ఉన్నట్లు కనిపిస్తుంది. ఇది చాలా ఆశ్చర్యకరమైన దృశ్యం.

వీడియోలో కోతి ఎక్కడి నుంచో 500 రూపాయల నోట్ల కట్టను తీసుకొని గోడపై హాయిగా కూర్చోవడం మీరు చూడవచ్చు. కోతి నోట్లను లెక్కిస్తున్నట్లుగా అక్కడే కూర్చుని ఉన్నాడు. కొన్నిసార్లు కోతి నోట్లను వాసన చూశాడు, కొన్నిసార్లు ఆ నోట్లను చింపివేయడానికి ప్రయత్నించింది. అయితే, కింద నిలబడి ఉన్న వ్యక్తి కోతికి ఫ్రూటీ బాటిల్ ఇచ్చాడు. కోతి ఆ నోట్ల కట్టను కిందకు విసిరేసింది. ఈ వీడియో బృందావనంలోనిది అని తెలుస్తుంది. అక్కడ కోతి ఒక మహిళ దగ్గర నుంచి ఈ నోట్ల కట్టను లాక్కుందని చెబుతున్నారు. మీరు బృందావనానికి వెళితే.. అక్కడ భారీ సంఖ్యలో కోతులు ఉన్నందున.. భక్తులు, పర్యాటకులు తమ వస్తువులను సురక్షితంగా ఉంచుకోవాలని వీడియో సలహా ఇస్తుంది.

లక్షలాది వ్యూస్ ఈ వీడియో సొంతం

ఈ ఫన్నీ వీడియో సోషల్ మీడియా ప్లాట్‌ఫామ్ ఇన్‌స్టాగ్రామ్‌లో బ్రిజ్‌వాసిబాలక్ అనే ఐడితో షేర్ చేశారు. దీనిని ఇప్పటివరకు 5.8 మిలియన్ సార్లు వీక్షించారు. అయితే 1 లక్ష మందికి పైగా ప్రజలు వీడియోను లైక్ చేసి వివిధ కామెంట్స్ చేస్తూనే ఉన్నారు. వీడియో చూసిన ఒకరు ఎవరో సరదాగా “కోతి ధనవంతురాలిగా మారిపోయింది” అని వ్యాఖ్యానించగా.. మరొకరు “ఆ డబ్బుకు ఎన్ని ఫ్రూటీలు దొరుకుతాయో ఆ కోతికి తెలియదు కనుక ఆ కోతి డబ్బులు ఇచ్చి ఫ్రూటీలను తీసుకుంది అని కామెంట్ చేశారు. అదేవిధంగా మరొక వినియోగదారుడు సరదాగా “కోతి ఎక్కడి నుంచో అప్పు వసూలు చేసుకుని వచ్చి ఉంటుందని అన్నాడు. మరొకరు “నువ్వు దొంగలా నటిస్స్తున్నవా కోతి? నువ్వు 1 ఫ్రూటీకి 10,000 రూపాయలు తిరిగి ఇచ్చావు” అని రాశారు.

ఫన్నీ వీడియో ఇక్కడ చూడండి..

మరిన్ని వైరల్ వీడియో వార్తల కోసం ఇక్కడ క్లిక్ చేయండి..