Viral: చేపల గాలానికి చిక్కిన నల్లటి ఆకారం.. దాన్ని చూడగా ఫ్యూజులౌట్.!

ఇంటర్నెట్‌లో ప్రతీ రోజూ ఎన్నో రకాల వైరల్ వీడియోలు హల్చల్ చేస్తుంటాయి. వీటిల్లో కొన్ని నవ్వు తెప్పిస్తే.. మరికొన్ని షాక్‌కు గురి చేస్తాయి. ఇంకొన్ని భయభ్రాంతులు తెప్పిస్తాయి. తాజాగా అలాంటి ఓ వీడియో నెట్టింట తెగ చక్కర్లు కొడుతోంది. దీన్ని చూసిన తర్వాత నెటిజన్లు అయ్యబాబోయ్.! తృటిలో ప్రమాదం తప్పిందని కామెంట్స్ చేస్తున్నారు. మరి అదేంటో చూసేద్దామా.. వైరల్ వీడియో ప్రకారం.. ఓ వ్యక్తి తనకు దగ్గరలోని సరస్సులో చేపల వేటకు వెళ్తాడు. పడవలో కూర్చుని గాలానికి హుక్ పెట్టి.. నీటిలో వేస్తాడు. అలా కాసేపు నిరీక్షించిన అనంతరం.. ఆ గాలం కాస్తా బరువెక్కుతుంది. అబ్బో.! పెద్ద చేప పడినట్టు ఉందేమోనని సంతోషపడ్డాడు. ఒడిసిపట్టుకుని మరీ.. ఆ గాలాన్ని పైకి లాగాడు. కట్ చేస్తే.. అతడికి షాక్ ఇస్తూ.. ఓ భారీ మొసలి బయటకొచ్చింది. కాసేపటికే అది నీటిలోకి వెళ్లిపోయింది. కానీ ఈ ఊహించని పరిణామానికి సదరు వ్యక్తి మైండ్ బ్లాంక్ అయింది. కాగా, ఈ వీడియోను ‘అమేజింగ్ నేచర్’ అనే ట్విట్టర్ ఖాతా సోషల్ మీడియాలో పోస్ట్ చేయగా.. దాన్ని చూసి నెటిజన్లు వరుసపెట్టి కామెంట్స్‌తో హోరెత్తించారు. లేట్ ఎందుకు మీరూ ఓ లుక్కేయండి.

వైరల్ వీడియో..

Always test the water before swimming pic.twitter.com/jYrJjAdCdN

— Nature is Amazing ☘️ (@AMAZlNGNATURE) March 28, 2024